М у н д а р и ж а I боб. Металларнинг кристалл тузилиши ва кристалланиш поцесси

α — иссиқ ўтказувчанликнинг температура коэффициенти;
t— температура.


α нинг қиймати манфий бўлади. Масалан, темир учун 0 дан 600°С гача бўлган температураларда α нинг қиймати — 5,8*10^-4 га тенгдир. Темирнинг нормал температурадаги иссиқ ўтказувчанлиги 54,6 вт/м.град (0,13 кал/см • сек град) га тенг, унинг 600°С даги иссиқ ўтказувчанлиги эса 𝜆_600° = 45,7 вт/м-град (0,085 кал/см ■ сек • град) бўлади.
Металл ва қотишмаларнинг иссиқ ўтказувчанлиги уларни қиздириш режимини танлашда хисобга олиниши керак.
Пўлатнинг иссиқ ўтказувчанлиги унинг химиявий таркибига боғлиқ бўлади пўлат таркибидаги ҳамма қўшимчалар унинг иссиқ ўтказувчанлигини пасайтиради.
Металл ва қотишмаларнинг магнит хоссалари. Металл ва қотишмаларнинг магнит хоссаларини аниқлаш учун улар магнит майдонига киритилади. Кучланганлиги Н бўлган магнит майдонига киритилган бирор металл ёки қотишма намунасида хам майдон ҳосил бўлади. Шу намунадаги майдониинг кучланганлиги (В) билан ташқи майдоннинг кучланганлиги (Н) орасида қуйидагича боғланиш бор:

В = µ Н, (6)

бу ерда В — магнит майдонига киритилган намунадаги майдоннинг кучланганлиги (магнит индукцияси), гаусс (гс) ҳисобида;

µ — коэффициент,
Н — ташқи майдоннинг кучланганлиги, эрстед (э) ҳисобида.

µ коэффициент магнит киритувчанлик деб аталали. Магнит киритувчанлигининг қийматига кўра, металлар (қотишмалар) парамагнит металлар билан диамагнит металларга бўлиади. Парамагнит металлар учун µ>1, диамагнит металллар учун эса µ <1 бўлади.
Шундай металл ва қотишмалар борки, уларнинг магнит киритувчанлиги (µ) ташқи майдоннинг кучланганлигига боғлиқ бўлиб, бир неча минг бирликка етиши мумкин. Бу металл ва қотишмалар ферромагнит металлар группасига киради. Fe, Co, Ni ва баъзи қотишмалар ферромагнит металлардир. Ферромагнят металлар магнит киритувчанлигининг ташқи майдон кучланганлигига қараб ўзгариш эгри чизиғи 28- расмда тасвирланган.