M. T. Yulchieva, N. T. Atamuratova

G‘amlovchi  to‘qima.  Bu  to‘qima  hujayralarida  fotosintez  va  moddalar 
almashinuvi  jarayoni  natijasida  oqsillar,  uglevodlar,  moylar    hosil 
bo‘ladi  va  to‘planadi.  Oziq  moddalar  o‘simlikning  urug‘larida, 
mevalarida,  ko‘p  yillik  o‘simliklarning  ildizi,  poyasi,  ildizpoyasi, 
tuganagi,  ildizmevasi  va  piyozboshlarida  oziq  moddalar  to‘planadi  va 
o‘simlikning  keyingi  taraqqiyot  davrida  urug‘ning  unib  chiqishida, 
o‘simlikning  rivojlanishiga  sarflanadi.  Bu    oziq  moddalar  eriydigan  va 
erimaydigan  holatda  bo‘ladi.  Kraxmal,  aleyron  donachalari,  yog‘lar  
erimaydigan  moddalar  guruhiga  kirib,  ular  g‘amlovchi  parenxima 
hujayralarining sitoplazmasida saqlanadi. 
Eriydigan  moddalar,  masalan,  glyukoza,  organik  kislotalar,  alkaloid, 
glikozidlar  kabi  moddalar  sabzi,  lavlagi,  shakarqamish  poyasida,  tarvuz, 
qovun,  uzum,  ko‘knor  kabi  o‘simliklarning  hujayra  vakuolasida 
uchraydi. 
Kaktus poyasida, aloe, agava o‘simliklar barglarida, anabazis, shuvoq, 
saksovul  o‘simliklar  barglaridagi  o‘tkazuvchi  to‘qima  bog‘lamlarining 
atrofida bir qator yirik g‘amlovchi parenxima hujayralar mavjud. 

---

81