M. T. Yulchieva, N. T. Atamuratova

                                                               81-rasm. Yuraksimon jo‘ka-Tilia cordata Mill 
 
Mirtalilar tartibi (Myrtales)
    
                                                                  
 
Bu  tartibga  daraxt  va  butalar  kirib,  ularning  barglari  hujayralararo  efir 
saqlovchi bezchalarga boy bo‘ladi.  Gullari birikkan tojibargli, odatda to‘g‘ri, 4 
a’zoli, gul o‘rni botiq, tuguncha pastki, ginetseyi (onalik) sinkarpli. Bu oilaga 
kiruvchi Mirtadoshlar oilasi bilan tanishib chiqamiz. 
 
Mirtadoshlar oilasi (Myrtaceae) 
Mirtadoshlar oilasiga tropik va subtropik mintaqalarda o‘sadigan daraxt 
va  butalar  kiradi.  Barglari  yon  bargchasiz,  butun.  Gullari  ikki  jinsli,  ajralgan 
tojibargli. Urug‘chisi 2-5 yoki ko‘plab mevabargchalarning qo‘shilishidan hosil 
bo‘lgan. Urug‘lari endospermsiz. Oilaga chang donachasining yuqori sterilligi 
xos, bu esa uning gibridli kelib chiqishidan dalolat beradi.