M. T. Yulchieva, N. T. Atamuratova

Metafaza- bunda vujudga kelgan xromosomalar hujayra markazida ekvator 
bo‘yicha joylashadi. So‘ngra xromosomalarning miqdori ikki marta ko‘payadi.  
Anafaza- bunda ingichka iplardan iborat urchuq (vereteno) paydo bo‘ladi, 
so‘ngra xromosomalarning hujayra qutbiga tomon ajralish hodisasi ro‘y beradi. 
Xromosomaning  yarmi  bir  qutbga,  ikkinchi  yarmi  ikkinchi  qutbga  tortiladi. 
Shunday qilib xromosomalar ikkiga ajraladi.  
Telofaza-  ikkiga  ajralgan  xromosomalar  mayda  donachalarga  bo‘linib 

---

39 
 
ketadi. Donadorlik asta-sekin kamayadi va nihoyat butunlay yo‘qolib, donador 
yadro  moddasiga  aylanadi.  Yadrochalar  va  yadro  po‘sti  yangidan  paydo 
bo‘ladi. Shunday qilib ikkita yangi yadro vujudga keladi, so‘ngra protoplazma 
oralig‘ida to‘siq parda hosil bo‘ladi, ya’ni ikkita yangi hujayra vujudga keladi.  
Bo‘linayotgan  yadrodagi  xromosomalarning  miqdori  va  shakli 
o‘simlikning  turi  va  yoshiga,    hamda  uning  o‘sish  sharoitiga  qarab  har  xil 
bo‘ladi.  Xromosomalar  miqdori  har  xil  o‘simliklarda  turlicha  bo‘lsa  lekin  bir 
turdagi  o‘simliklarning  hammasida  bir  hil  miqdorda  -  ma’lum  sonda  bo‘ladi. 
Masalan piyozda 16 ta, g‘o‘zada-26 ta, ko‘knorida -24 ta bo‘ladi.  
Yosh o‘simliklarning  o‘sish vaqtida hujayralar kariokenetik bo‘linish yo‘li 
bilan  ko‘payadi.  Hujayralarning  bu  xildagi  bo‘linishi  ko‘p  martalab 
takrorlanadi. Shunday qilib ko‘p hujayrali organizm paydo bo‘ladi.  
Mitoz bo‘linish poyaning o‘sish nuqtasida va ildiz uchlarida ro‘y beradi.  
Meyoz  bo‘linish  yoki  reduksion  bo‘linish-  bir  yillik  gulli  o‘simliklar 
hayotida  bir  marta,  ko‘p  yillik  gulli  o‘simliklar  hayotida  esa  har  yili  gullash 
vaqtida  ya’ni  chang  va  embrion  xaltasi  shakllanishi  oldida  ro‘y  berishi  bilan 
kariokenezdan  farq  qiladi.  Tashqaridan  qaraganda  bu  bo‘linish  kariokenezga 
uxshaydi.  Aslida  bir  muncha  murakkab  bo‘lib,  bu  jarayonda  shartli  oltita 
fazaga ajratish mumkin.