M. T. Yulchieva, N. T. Atamuratova

    
 
83-rasm. Kashnich (Coriandrum sativum),
 
petrushka (Petroselinum crispus). 
 
Sassiq alaf (Conium maculatum). U poyasi baland, qizil dog‘li, barglari 3 
marta  patsimon  qirqilgan,  gullari  oq,  ikki  jinsli,  mevasi  tuxumsimon, 
qurigan  sichqon  najasining  hidi  keladigan  ikki  yillik  o‘t  o‘simlikdir. 
O‘rta  Osiyoda,  Sharqiy  Yevropa  qismida,  Sibirda,  Kavkazda  ariq 
bo‘ylarida,  uy  tevaraklarida,  bog‘larda  tarqalgan.  Hamma  qismi, 
xususan, mevalari zaharli. Tarkibida koniin alkoloidi bor.  
Xushbo‘y  selder  (Apium  gravialens).  U  ildizi  urchuqsimon,  poyasi 
egatli, ko‘pincha, ichi bo‘sh, sershox, ostki barglari  uzun bandli, gullari 
oq, ikki jinsli, yovvoyi  holda ariq bo‘ylarida, ko‘llar tevaragida o‘suvchi 
bir,  ikki  yillik  o‘simlikdir.  Vatani  O‘rta  dengiz.  XVIII  asrning 
boshlaridan sabzavot o‘simligi sifatida Yevropaga o‘tadi, keng miqyosda 
ekiladi. Ekiladigan navlarining ildizi etlik va xushbo‘y bo‘ladi.