M. T. Yulchieva, N. T. Atamuratova

Tabiiy 
vegetativ 
ko‘payish  inson  ishtirokisiz  ro‘y  beradi. 
O‘simliklarning  tabiiy  holda  ko‘payishi    hujayralar  (suv  o‘tlar,  lishayniklar, 
zamburug‘larda),  tallomlar  (zamburug‘lar,  moxlarda)  ayriluvchi  kurtaklar 
(yuksak  sporali  o‘simliklarda),  sudralib  o‘suvchi  er  ustki  jingalaklar 
(qulupnayda),  ildizpoyalar  (g‘umay,  ajriqda),  piyozboshlar  (lola,  sarimsoqda),  
ildizbachkilar (malina, olchada) orqali sodir bo‘ladi. 
Ba’zi  o‘simliklarda    barg  qo‘ltiqlarida,  to‘pgullarda    gullar  o‘rnida 
mayda bargli novdalar (chiqaruvchi kurtaklar) hosil bo‘ladi va keyinchalik  ona 
o‘simlikdan  uzilib  tushadi,  ildiz  chiqarib  yangi  o‘simlik  hosil  qiladi.  Bu  
o‘simliklar tirik tug‘uvchi o‘simliklar deb ataladi. Bunday o‘simliklar  asosan  
o‘sish  davri qisqa bo‘lgan (qutb tomonlarda, tog‘larda, adirlarda) va urug‘lar 
yetishmay  qoladigan  joylarda  uchraydi.  Misol  tariqasida  ularga  qo‘ng‘irbosh 
va  ba’zi  toshyorarlarni  keltirishimiz  mumkin.  Tabiiy  vegetativ  yo‘l  bilan 
o‘simliklar o‘z naslini har xil yo‘llar bilan qoldirib tabiatda keng tarqaladilar.