M. T. Yulchieva, N. T. Atamuratova

Geotropizm.      Geotropizm  –  o‘simliklarning  erning  tortish  kuchiga 
asosan  o‘sish    harakatidir.  Ya’ni  urug‘    erga  qanday  tushishidan  qat’i  nazar 
uning  poyasi  er  ustiga,  ildizi  esa  pastga  qarab  o‘sadi.  Bunda  pastga  qarab 
o‘sadigan  ildizlarda  musbat  geotropizm,  yuqoriga  qarab  o‘sadigan  poyada 
manfiy geliotropizm mavjud .  Shu tufayli ildiz tuproq ichiga kirib, undan suv 
va oziq  moddalarni so‘radi, poyasi esa er ustiga chiqadi va barglari yordamida 
yorug‘lik energiyasidan foydalanadi. 
Organlarning  gorizontal    holda    o‘sishi  muhim  biologik  moslashuv 
bo‘lib, o‘simlikning butun  hayoti davomida saqlanadi. Agar o‘simliklar biror 
tashqi ta’sirdan egilsa yoki yotib qolsa, ularning yosh o‘suvchi organlari yana 
tik  bo‘lib  o‘sadi.  Bu  ularning  o‘sish  jarayonining  xususiyatlaridan  kelib 
chiqadi. Masalan, no‘xat o‘simtasini olib gorizontal holatga  qo‘ysak, bir necha 
soatdan  so‘ng  uning  poyasi  yuqoriga,  ildizi  pastga  qarab  egiladi.  Agar 
ildizchalarning  ustiga  tush  bilan  bir–biridan  ma’lum  uzoqlikda  belgilar 
qo‘ysak, u holda ildizning qaysi joyi eng ko‘p cho‘zilsa, shu joyning eng ko‘p 
pastga  tomon  egilganligini  ko‘ramiz.  To‘la  o‘sgan  joylarda  esa  hech  qanday 
egilish  bo‘lmaydi.    Demak,  egilish  –  ko‘payish  xususiyatiga  ega  bo‘lgan 
meristema to‘qimalarida sodir bo‘ladi. 
Ildizlarning  esa  aksincha,  yuqori  tomoni  pastiga  nisbatan  tezroq  o‘sa 
boshlaydi. Ildizning geotropik sezgirligi uning eng uchidagi 1-2 mm 
joyida to‘planadi. Ch.Darvin (1880-y.) o‘z tajribalarida uchi kesilgan ildizning 
gorizontal  o‘sib,  erning  tortish  kuchini  sezish  qobiliyatini  yo‘qotganligini 
aniqlagan. 

---

155