М о р ф о л о г и я сўз туркумлари

Future Perfect in the Past

I said that I should have translated the article by six o’clock. Мен мақолани соат олтигача таржима қилиб бўлишимни айтдим.

I said that the article would have been translated by six o’clock. Мен мақола соат олтигача таржима қилиб бўлинишини айтдим.

§ 69. Мажхул нисбатда мавжуд бўлмаган Future Continuous шаклининг ўрнига Future Indefinite ишлатилади:

Come at five o’clock. The plan will be discussed at that time. Соат бешда келинг. Ўша вақтда режа мухокама қилинади.
Мажхул нисбатда мавжуд бўлмаган Present Perfect Continuous ва Past Perfect Continuous ларнинг ўрнига тегишлича Present Perfect хамда Past Perfect ишлатилади:
The plan has been discussed for two hours. Режа икки соатдан буён мухокама қилинмоқда.
The plan had been discussed for two hours when he came. У келганида режа икки соатдан буён мухокама қилинаётган эди.
Ушбу холатларда феъли Future Indefinite, Present Perfect ва Past Perfect да бўлган пассив конструкциялар ўрнига кўпинча феъли Future Continuous, Present Perfect Continuous ва Past Perfect Continuous да бўлган актив конструкциялар ишлатилади:
The plan will be discussed at that time ўрнига They will be discussing the plan at that time гапи;
The plan has been discussed for two hours ўрнига They have been discussing the plan for two hours гапи;
The plan had been discussed for two hours when he came ўрнига They had been discussing the plan for two hours when he came гапи ишлатилади.


TO BE ФЕЪЛИ БИЛАН PAST PARTICIPLE БИРИКМАСИНИНГ ТУРЛИ МАЪНОЛАРИ


§ 70. To be феълининг Present, Past ва Future шакли билан Past Participle бирикмаси қуйидагиларни ифодалаши мумкин:

1. 
   И ш – х а р а к а т. Бу холатда мазкур бирикма мажхул нисбатнинг замонларидан бири – Present Indefinite, Past Indefinite, Future Indefinite - да бўлади ва содда феъл кесим вазифасини бажаради.
   
2. 
   Х о л а т. Бу холатда мазкур бирикма қўшма кесим вазифасини бажаради, қўшма кесим таркибидаги to be феъли боғловчи-феъл, Past Participle эса – қўшма кесимнинг феъл бўлмаган қисми (яъни, от қисми) хисобланади.