М о р ф о л о г и я сўз туркумлари

МАЙЛ (MOOD)


§ 6. Майлнинг шакллари иш-харакатнинг воқеликка муносабатини ифодалайди. Инглиз тилида учта майл мавжуд.

1. 
   А н и қ л и к майли (the Indicative Mood) иш-харакатнинг уч замондан бирида х а қ и қ а т а н хам содир бўлиши ёки бўлмаслигини ифодалайди:
   

He reads the newspaper in the evening. У газетани кечқурун ўқийди.
I saw an interesting film yesterday. Мен кеча қизиқ бир фильм кўрдим.
She will come in the evening. У кечқурун келади.

2. 
   Ш а р т майли (the Subjunctive Mood) сўзловчининг иш-харакатни реал факт эмас, балки, м а с л а х а т ёки и с т а к сифатида қарашини кўрсатади.
   

Замонавий инглиз тилида шарт майлининг махсус шакллари жуда кам қолган:
He suggested that the discussion of the question be postponed. У масала мухокамасининг кечиктирилишини таклиф қилди.
If he were here, he would help us. Агар у шу ерда бўлганида эди, бизга ёрдам берган бўлар эди.

3. 
   Б у й р у қ – и с т а к майли (the Imperative Mood) иш-харкатни бажариш ёки бажармаслик хақида буюриш, исташ, сўраш, илтимос, маслахат, ундаш-чақириш каби маъноларни ифодалайди. Буйруқ-истак майли биргина иккинчи шахс шаклига эга:
   

Open the window. Деразани очинг.
Show me the letter, please. Менга хатни кўрсатинг, илтимос.


НИСБАТ (VOICE)


§ 7. Нисбат шакллари эга иш-харакатни бажарувчисими ёки иш-харакат эгага қайтадими эканлигини кўрсатади.
Инглиз тилида иккита (ўзбек тилида эса бешта) нисбат мавжуд: а н и қ н и с б а т (the Active Voice) ва м а ж х у л н и с б ат (the Passive Voice).
Эга иш-харакатни бажарувчи шахс (ёки предмет) бўлганида, феъл а н и қ нисбат шаклида ишлатилади:
Popov invented the radio in 1895. Попов 1895 йилда радиони ихтиро қилди. Ушбу гапдаги эга – Попов, гапдаги ифодаланган иш-харакат эга томонидан бажарилган.