M. N. Musayev

Tolali filtrlar. Ushbu filtrlaming filtrlovchi elementi bir yoki bir necha qavatdan iborat bo'lib, ular orasida tolalar bir xil taqsimlangan bo‘ladi. Bunday filtrlar hajmiy ta'sirga ega bo‘lib, zarralami qavatlarning butun chuqurligi bo‘yicha ushlab qoladi va yig‘adi. Chang zarralarining yaxlit qatlami faqat zich material ustida hosil bo'ladi. Filtrlar uchun tabiiy yoki maxsus ishlab chiqilgan va qalinligi 0,01 dan 100 mkm gacha bo‘igan tolalar qo‘llaniladi. Filtrlovchi qatlam qalinligi 0,1 mm dan (qog‘ozli) to 2 m gacha (uzoq vaqt ishlatiluvchi, ko‘p qatlamli, nasadkali filtrlar) bo‘lishi mumkin.

Chuqur tozalovchi tolasimon filtrlar atom energetikasida, radioelektronikada, aniq asbobsozlikda, sanoat mikrobiologiyasida, kimyoviy farmatsevtikada va boshqa sohalarda qo'llaniladi. Filtrlar katta hajmdagi gazlarni uning tarkibidagi barcha razmerdagi qattiq zarralardan va submikron zarralardan tozalash uchun ishlatiladi. Ular gazlarni radioaktiv aerozollardan tozalash uchun ham qo'llanilishi mumkin. Bularda filtrlash tezligi 0,01 — 0,15 m/sek ni tashkil etadi. Ishlatilgan fiitrlami regeneratsiyasi samarasiz yoki imkoni yo‘q. Ular uzoq muddatga ishlatishga (0,5 — 3 yil) mo‘ljallangan. Shundan keyin ishlatilgan filtr yangisiga almashtiriladi.