М мавзу. Касб танлашдаги қийинчиликлар ва хатоликлар, касб танлаш мотивини шакллантириш, шахснинг касбий ўзини ўзи белгилаш

Кичик маърузалар усулини қўллаш учун ўқитувчи айрим ўқувчиларга бир неча мавзу бўйича 3-5 минутлик маърузалар тайёрлаб келишни топширади. Тайёрланган маърузалар дарсда ўқиб берилади. Ўқитувчи уларни умумлаштириб, дарснинг асосий ғояси ва мақсадини ўқувчиларга тушунтиради ҳамда дарсни якунлайди. Дарс охирида савол-жавоблар ўтказилади.
Анжуман дарсини ташкил этиш ва ўтказиш учун ўқитувчи ўқувчиларга мавзуга оид айрим ўқув материаллари бўйича маълумотлар йиғиб келишни ва уларни дарсда айтиб бериш вазифасини топширади. Бунда ўқувчилар ўзлари мустақил ҳолда тайёрлаб келган маълумотларини уларга мос келувчи касб эгалари номидан баён этадилар.
Мунозара дарсларини ташкил этиш учун ўқитувчи мавзуга мос келувчи ўқув материаллари юзасидан қизиқарли, муаммоли саволлар тузади. Бундай саволларга бериладиган жавоблар ўқувчилар учун мавҳум бўлмаслиги ва улар томонидан олдин яхши ўзлааштириб олинган бўлмаслиги керак.
Интервью дарсини ўтказиш ҳам ўқувчиларда қизиқиш уйғотиши мумкин. Бунда бир ўқувчи мухбир, қолган ўқувчилар эса таниқли кишилар тимсолида чиқиб, мухбир саволларига жавоб берадилар: ўзлари акс эттираётган соҳаларда олиб борилаётган ишлар, эришилаган ютуқлар, олдинда турган муаммолар ҳақида гапириб берадилар.

1. 
   Кириш дарсларида кичик маърузалар усулини қўллаш. Қуйида кириш дарсларида кичик маърузалардан фойдаланишга оид дарс намунаси тафсилотини келтирамиз. Маълумки, амалдаги ўқув дастурига мувофиқ 5-синфда Ёғоч ва унга ишлов бериш технологияси фанидан биринчи машғулот мавзуси “Ёғочнинг халқ хўжалигидаги аҳамияти. Дурадгорлик ишларидаги хавфсизлик қоидаларини ўргатиш” деб номланган бўлиб, унга икки соат вақт ажратилган. Бу машғулотнинг биринчи соатида ўқувчиларга ёғочлар, уларнинг олиниши, ишлатилиши ҳақидаги маълумотлар берилади. Шу сабабли мавзуга оид ўқув материаллари юзасидан бир неча ўқувчига маъруза тайёрлаб келиш ёки олдиндан тайёрлаб қўйилган маърузаларни ўқиб ўрганиб келиб дарсда гапириб бериш вазифаси топшироилади. Маърузалар қуйидагича бўлиши мумкин.