|
IV. IN THE WORLD OF TECHNOLOГICAL EQUIPMENT
84
4.1. Quality sewinг equipment
88
4.2. Manual and pneumatic presses
92
4.3. How to choose a sewinг machine
94
4.4. Accessories for sewinг machines
107
4.5. Factors for choosinг an overlock machine
111
4.6. Accessories for cars overlock
123
List of used literature and electronic educational resources
126
8
KIRISH
O`zbekiston Respublikasi iqtisodiyotida alohida o`rin egalovchi yengil
sanoat korxonalaridan tikuv, tikuv-trikotaj buyumlari ishlab chiqaruvchi
korxonalari aholining kiyim kechakka va tikuvchilik buyumlariga bo`lgan
ehtiyojini qondirish borasida yangi modellar yaratish va ishlab chiqishga joriy
etishda mahalliy aholi mentaliteti, turmush tarzi, qadriyatlarini inobatga olish
maqsadga muvofiq hisoblanadi. Chunonchi, sharq xalqlarining tarixiy kiyimlari
xozirgi zamon model`yerlarining e’tiborini tortgani bois, bu kiyimlarning
qulayligi, gazlamalarining tabiiy tolalardan to`qilganligi yanada talabgor
bo`lishshini ta’minlaydi.
Mamlakatimizda mahalliy xom ashyoni dastlabki va qayta ishlab, tayyor
mahsulot ko`rinishida eksport talabi darajasidagi tovarlar ishlab chiqaruvchi yengil
sanoat korxonalarini qurish O`zbekiston Respublikasi Prezidentining “Yengil
sanoatni yanada rivojlantirish va tayyor mahsulotlar ishlab chiqarishni
rag`batlantirish chora-tadbirlari to`g`risida”, 2019 yil 16 sentyabrdagi PQ - 4453 –
sonli Qarorida ham ta’kidlangan bo`lib, tadbirkorlik faoliyatining barcha
bo`g`inlarini tashkil etish orqali yengil sanoatni rivojlantirishga yo`naltirilgan.
O`zbekiston Respublikasi xukumati tomonidan joriy etilayotgan bir qator
xujjatlarda aholining bandligini ta’minlash ishlab chiqarish korxonalarida ish
o`rinlarini yaratish, zamonaviy kasb-hunarlarga o`rgatish va korxonalarni
mahalliylashtirish orqali ta’minlanishi ko`p ob’yektiv va sub’yektiv muammolarni
xal qiladi. O`zbekiston Respublikasi Prezidentining yoshlarga e’tiborni
kuchaytirish, ularni madaniyat, san’at, jismoniy tarbiya va sportga keng jalb etish,
ularda axborot texnologiyalaridan foydalanish ko`nikmalarini shakllantirish,
yoshlar o`rtasida kitobxonlikni targ`ib qilish, xotin-qizlar bandligini oshirish
masalalariga bag`ishlangan 5 ta tashabbusi ilgari surildi. Shuningdek, hududlarda
tikuv-trikotaj mahsulotlari ishlab chiqarishni tashkil etish va xotin-qizlar bandligini
ta’minlash chora-tadbirlari dasturi loyihasi tayyorlangan. 2019−2020 yillarda har
bir tumanda yengil konstruktsiyali tikuv-trikotaj korxonalarini qurish va ayollarni
9
band etish ko`zda tutilmoqda. Korxonalarni puxta hisob-kitob asosida tashkil etish,
ularda ishlab chiqariladigan tovarlar bozorini, ya’ni aniq xaridorini topish
yuzasidan takliflar bildirilishi, ayollarning mexnatga jalb qilinishiga, uyda turib
ham daromadga ega bo`lishiga sabab bo`ladi. O`z tadbirkorlik faoliyatini
boshlamoqchi bo`lgan yoshlar uchun tanlangan ishlab chiqarish turi bo`yicha
texnologiyani mukammal o`rganib, zamonaviy texnika va texnologiyalarni tanlab
qo`llash uchun ushbu qo`llanmadan ma’lumotlarni olish imkoniyati mavjud.
Mazkur o`quv qo`llanmada yengil sanoatni rivojlantirishga oid axborot
manbalari va veb-saytlar materiallari kiritilgan. Xususan, tikuvchilik va
to`qimachilik sanoatidagi yangiliklar, ishlab chiqarish uskunalarida texnik
yangiliklar va tikuvchilik mahsulotlarini ishlab chiqarish va ishlab chiqarish
jarayonlarini takomillashtirish to`g`risida ma’lumotlar tizimlashtirilgan holda
berilgan.
O`zbekiston Respublikasi iqtisodining asosiy bo`g`ini sanoat industriyasi
hisoblanadi. Yengil sanoat tarmoqlari aholi ehtiyojlarini qondirish uchun zaruriy
mahsulotlar ishlab chiqaradi. Asosiy maqsad ishlab chiqarish jarayonlarini
takomillashtirish, rekonstruktsiya qilish va yangi texnologiyalarni joriy qilish bilan
ishlab chiqarish maromini tezlashtirish, mahsulot ishlab chiqarish vaqtini
qisqartirish, ishchi kuchi omilini kamaytirish, xom ashyodan samarali foydalanish
orqali sarflanadigan mablag`ni iqtisod qilib, tannarxni kamaytirish hisoblanadi.
Buning uchun jahon tajribasida qo`llanilayotgan robototexnika, raqamli
boshqaruvli texnologiyalar kompyuterlashgan tizimlarni yanada tezroq ishlashini
ta’minlay boshladi. Tikuvchilik sohasida ham xuddi shunday avtomat va yarim
avtomatlar, robotlashtirilgan jihozlardan keng foydalaniladi. Ayniqsa, Yaponiya,
janubiy Koreya, Germaniya davlatlarining tavsiya etayotgan jihozlari o`zining aniq
ishlashi, sifati kafolatlanganligi bilan ahamiyatlidir. Xitoy davlatida tikuvchilik
korxona jihozlarini ishlab chiqarish yo`lga qo`yilgan bo`lib, ular yuqoridagi
davlatlar korxonalarida ishlab chiqarilayotgan jihozlarga juda yaqin bo`lsada, sifati
asli kabi ta’minlanmasligi bilan namoyon bo`ladi. Keyingi yillarda tikuv, tikuv
trikotaj buyumlari ishlab chiqaruvchi korxonalar mana shunday yuqori darajadagi
10
texnologik jihozlar bilan ta’minlanayotgani mahalliy xom ashyodan ishlab
chiqarilayotgan tikuvchilik buyumlarini nafaqat ichki bozor talablari, balki eksport
salohiyatini ham oshishiga omil bo`ldi. Respublikada faoliyat olib borayotgan
zamonaviy texnoparklarda eng so`ngi markadagi, yuqori ish unumdorligiga ega
bo`lgan, energiya sarfi kam bo`lgan, ekologik zararlarsiz ishlaydigan yengil sanoat
tarmoqlari texnologik jihozlarini tanlash imkoniyati kengligi bilan ishlab
chiqaruvchilarga amaliy yordam berib kelmoqda. Tikuv buyumlari ishlab chiqarish
texnologiyalarining yangi texnologik jihozlar bilan ishlashi tezkor zamon
talablariga javob bera oladi. Korxonalarda ishni tashkil etish, rejalashtirish va
loyihalashda aynan mana shunday samarali, sifatli jihozlarni joriy qilish jahon
bozoriga raqobatbardosh mahsulotlar ishlab chiqarish kafolatidir.
O`quv materiallari “Yengil sanoat texnologiyalari va jihozlari” hamda
“Yengil sanoat buyumlarini konstruktsiyalari va texnologiyalari” yo`nalishidagi
o`qituvchilar va talabalari hamda shu yo`nalishdagi magistrlarning mustaqil
ishlarida qo`llanilishi mumkin.
11
Do'stlaringiz bilan baham: |
