М. М. Мусаев компьютер тизимлари ва тармоқлари

VII БОБ.	Компьютер тармоқларнинг амалий қўлланилиши...............
294
	7.1. Тармоқ операцион тизимларининг амалий қўлланилиши...	294
	7.2. SIMD синфидаги ҳисоблаш тизимлари..................................	301
	7.3. MIMD синфидаги ҳисоблаш тизимлари................................	314
	7.4. Модулли ҳисоблаш тизимларининг истиқболли амалга оширилиши...............................................................................	326
	7.5. Замонавий суперкомпьютерлар..............................................	330
VIII БОБ.	Хулоса...............................................................................................	334
	Фойдаланилган адабиётлар............................................................	336
	Илова.................................................................................................	337

Кириш

Инсон ҳаётида кетма-кет пайдо бўлган техник воситалар, яъни телефон, радио, телевизордан кейинги техник қурилма компьютер ҳисобланади. Тугалланган техник объект сифатида компьютер инсониятнинг турли хил билим соҳалари мутахассисларининг иш маҳсули натижасидир. Ҳозирги кунда компьютер инсон фаолиятининг барча соҳаларида, яъни илм – фанда, бошқарувда, таълимда ва ишлаб чиқаришда катта ёрдамчи ҳисобланади. Агар биринчи компьютерлар (электрон ҳисоблаш машиналари - ЭҲМ) дан асосан олимлар фойдаланишган бўлса, ҳозирда улардан мактаб ўқувчилари ва уй бекалари ҳам фойдаланишмоқда.

Фан ва технологиянинг ривожланиши билан ҳисоблашни автоматлаштириш воситалари узлуксиз равишда мукаммаллашиб борди. Компьютер техникасининг замонавий ҳолати кўп йиллик ривожланишнинг натижаси ҳисобланади. Мутахассисларнинг фикрича, ҳозирда компьютерларнинг олтинчи авлодидан фойдаланилмоқда. Компьютерларнинг олтинчи авлодида масалани умумий параллел ечиш усуллари, кўп процессорли компьютерлардан кўп ядроли компьютерларга ўтиш, масофадан ўзаро мулоқот орқали тармоқда мураккаб масалаларни ечиш каби ахборот технологияларнинг маҳсулотидан фойдаланилади. Компьютер автоном, мустақил ишлов берувчи қурилма сифатида автоматлаштирилган тармоқлар ва тизимларнинг элементи ҳисобланади.
Агар алоҳида компьютер – бу алоҳида фойдаланувчи масалаларини автоматлаштириш ва ечиш учун аппарат ва дастурий мажмуа бўлса, у ҳолда компьютер тизими ёки тармоғи – бу индивидуал ва коллектив фойдаланувчиларнинг масалларини ечиш учун компьютерлар, ташқи ва коммуникацион қурилмалар мажмуаси ҳисобланади. Компьютер тизимлари ва тармоқлари иккита муҳим илмий-техник йўналишлар жараёнининг ривожланиши натижаси бўлиб, бу йўналишлар: компьютер ва телекоммуникацион технологиялардир. Компьютер тизимлари ва тармоқлари ўзининг дастурий таъминоти билан замонавий ахборот коммуникацион тизимларнинг асосини ташкил этади.
Ҳозирги вақтда ихтиёрий ташкилот компьютерлаштирилган ахборот тармоғига эга. Бундай тизимларнинг мураккаблиги, жиҳозланганлик даражаси, ечадиган масалалар синфи, бошқариш ҳолатлари ва ҳудудий бўлинганлиги ташкилот фойдаланувчиларининг соҳасига боғлиқ бўлади. Бироқ, бундай тизимларнинг асосида ахборотни йиғиш, ишлов бериш, сақлаш, акс эттириш ва узатиш имконини берувчи дастурий-аппарат воситалар мажмуасидан иборат ахборот технологиялари ётади. Бундай турдаги автоматлаштирилган дастурий-аппарат воситаларнинг асосини ҳисоблаш тизимлари ташкил қилади. Ҳисоблаш тизимларининг қўлланилиши ишлов бериш жараёнининг тезлашиши эвазига ҳисоблаш аниқлилиги ва ишончлилигини ошириш, фойдаланувчиларга сервис хизматларини тақдим этишни асосий мақсад қилиб олади.
Ушбу ўқув қўлланманинг материаллари кўп йиллардан буён Тошкент ахборот технологиялари университетининг «Компьютер тизимлари» кафедраси профессор-ўқитувчилари томонидан 5521900 - «Информатика ва ахборот технологиялари», 5811100 - Сервис (саноат сервиси) йўналишларининг бакалавриатура талабаларига «Компьютер тизимлари ва тармоқлари», «Компьютер тизимларининг архитектураси» фанлари ва 5А521901 – «Компьютер тизимлари ва тармоқлари», 5А521907 – «Амалий информатика», 5А521909 – «Биотехник тизимларнинг техник ва дастурий таъминоти» мутахассисликларидаги магистратура талабаларига ўқилаётган «Корпоратив тизимлар», «Юқори унумли компьютер тизимлари», «Компьютер тизимларининг архитектураси» каби фанларининг ўқитиш тажрибасига асосланиб тайёрланган.
Ушбу ўқув қўлланма 5340100 – Иқтисодиёт (алоқа ва ахборотлаштириш), 5340200 – Менежмент (алоқа ва ахборотлаштириш), 5840200 – Почта хизмати, 5140900 – Касб таълими (Информатика ва ахборот технологиялари), 5320200 – Ахборотлаштириш ва кутубхонашунослик, 5523500 – Ахборот хавфсизлиги, 5523600 – Электрон тижорат, 5522000 – Радиотехника, 5522100 – Телевидение, радиоалоқа ва радиоэшиттириш, 5524400 – Мобил алоқа тизимлари, 5522200 – Телекоммуникация йўналишларида таълим олаётган бакалавриатура талабаларига, бундан ташқари илмий-тадқиқотчилар ва профессор ўқитувчилар учун фойдадан ҳоли эмас.
I БОБ. Компьютер тизимлари ва уларнинг ахборот технологиялари ривожидаги роли