M. M. Axmetjanov, sh sh. Olimov, S. S. Avezov. P e d a g o g I k mahorat

Til – ruhiyat bilan bog‘liq hodisa.
U nafaqat nutqda axborot olish yoki berish 
manbai bo‘lib qolmasdan, u aql-tafakkurni boyituvchi, insonda mehribonlik va boshqa 
his-tuyg‘ular majmuasidir. Chunki har qanday so‘z tinglovchining tabiatiga ta’sir 
ko‘rsatadi. U yaxshi, mantiqli, yoqimli bo‘lsa, tinglovchi kayfiyati ko‘tariladi. Agar 
so‘z o‘ylanmasdan, nopisandlik bilan aytilsa, tinglovchi kayfiyati buziladi. Masalan, 
o‘zidan katta bo‘lgan kishiga so‘zlovchi birgina “sen”deb murojaat etsa, tinglovchi 
so‘zlovchining o‘ziga nisbatan mensimaslik, hurmatsizlik munosabatini anglab etadi. 
Yoxud noto‘g‘ri, o‘rinsiz hazil-mutoyiba ham kishida yomon taassurot qoldiradi. 
SHuning uchun ham xalqimiz orasida “O‘ynab gapirsang ham o‘ylab gapir” maqoli 
bejiz yaratilmagan.