M. M. Abralov payvandlash materiallari

Yuqori darajada legirlangan po‘latlarni payvandlashga mo‘ljallangan eritib olingan flyuslarning o‘ziga xos xususiyatlari. Odatda kam uglerodli va kam legirlangan konstruksion po‗latlarni
payvandlashda qo‗llaniluvchi eritib olingan flyus-silikatlar yuqori darajada legirlangan po‗latlarni chunonchi xrom-nikelli austenit po‗latlarni payvandlash uchun yaramaydi. Bu flyuslarda, payvandlashda xrom va titanni oksidlovchi marganets hamda kremniy oksidlari, shuningdek ayrim boshqa aralashmalar miqdorining ko‗pligi chokda ana shu elementlar miqdori nomaqbul kamayishiga sabab bo‗ladi. CHokda xrom va titan miqdorining kamayishi, qoidaga ko‗ra, austenitli chokning korroziyabardoshligini pasaytiradi va uning qizish darzlari paydo bo‗lishiga (alfa-faza miqdori ozayishi hamda chokning nometall qo‗shilmalar bilan ifloslanishi oqibatida) moyilligini oshiradi. Kam kremniyli flyuslar, ko‗p kremniyli flyuslarga qaraganda ustunsimon tuzilmasi kamroq namoyon bo‗ladigan choklar hosil qilishi ham aniqlangan, bu esa choklarda qizish darzlari yuzaga kelish xavfini kamaytiradi.
Yuqorida bayon qilinganlar, yuqori darajada legirlangan po‗latlarni payvandlash uchun passiv flyuslar ishlatish zarur, degan xulosaga olib keladi. Ushbu maqsadlar uchun odatda asosli flyuslar


^ _(MeO)



1^ ,



2
^ (SiO
)  (TiO₂ ) ^

yoki tarkibida marganets oksidlari mutlaqo bo‗lmagan, yohud ularning miqdori ko‗p bo‗lmagan, kremniy qo‗shoksidi miqdori cheklangan flyuslardan foydalaniladi. Chokda kislorodga juda yaqin bo‗lgan elementlar (alyuminiy, titan) ning yuqori miqdorini saqlab qolish kerak bo‗lgan hollarda payvandlash vannasiga nisbatan kimyoviy jihatdan inert bo‗lgan kislorodsiz flyuslar ishlatish lozim. Ushbu flyuslar guruhining vakili sifatida, ayrim kislotabardosh va o‗tga chidamli po‗latlarni payvandlashda foydalaniluvchi БKФ-1 flyusi (maydalangan plavik shpati) xizmat qilishi mumkin.