M. J. Mutalipova, B. X. Xod. Jayev qiyosiy pedagogika

Janubiy Koreya ta’lim tizimi va xususiyatlari.
Janubiy Koreyada maktabgacha va boshlang‘ich ta’lim. Maktabgacha ta’lim.
Janubiy Koreyada bolalar bog‘chasi umumta’lim turiga kirmaydi. Ota-onalar farzandlarini xususiy maktabgacha muassasalarga beradilar. Bu muassasalarda ta’lim koreys tilida, ingliz tilida, ba’zilarida faqat ingliz tilida olib boriladi. Bolalar bog‘chasiga 3 yoshdan 5 yoshgacha qabul qilinadi. Ko‘pchilik bolalar “maktabgacha” tayyorgarlik olmasliklari, ya’ni xususiy maktabgacha muassasalarga bormasliklari, balki bolalar bog‘chasiga shunchaki borishlari mumkin.
1980 yillar bolalar bog‘chasi va maktabgacha ta’lim muassasalariga qabul darajasi sur’ati birdan oshdi. Shu yili 901 ta maktabgacha ta’lim muassasasiga 66433 bola qabul qilindi. 1978 yil esa bu muassasalar soni 7792 taga yetdi, bolalar soni 397020 tani tashkil etdi. Maktabgacha ta’lim muassasalari tarbiyachilari va o‘qituvchilari soni 3339 dan 11920 taga ortdi. Bulardan ko‘pchiligi - 92%ni ayollar tashkil edi. Buning sabablari quyidagicha izohlanadi:

• 
  Ta’lim vazirligining ko‘magi va rag ‘bati;
  
• 
  Mehnat bozorida ayollar sonining ortishi;
  
• 
  Nuklear oilalar sonining ortishi, ya’ni ota-ona, buvi- buvalaming bolalar bilan shug‘ullanishga vaqt yetishmasligi;
  
• 
  Bolalar bog'chasining keyingi ta’lim turlarida o'qishni osonlashtirish mumkinligini anglash;
  
• 
  Bolalar bog‘chasini bitirganligi haqidagi yorliq va diplomlaming berilishi, unga bag‘ishlangan bayram tantanalarining o‘tkazilishi, bu esa ota-onalarda o‘z farzandlari bilan faxrlanish tuyg‘usini keltirib chiqarishi kabilar.
  

Bolalar bog‘chasining asosiy vazifasi oilalami har tomonlama rivojlanishi uchun sharoit yaratishdan iborat. Bog‘chalarda asosan musiqa, rasm, hisoblash darslari o'tiladi. Koreys bog‘chalarida bolalarda mustaqillikni shakllantirishga katta e’tibor beriladi. Bolalar yoshi orasidagi farq 3 yilgacha bo‘lishi mumkin.