M. I. Daminov 2020-y. Ona tili va adabiyot fanidan

9-mavzu: X.K.Andersen ertaklarida tarix va zamon ifodasi

Reja:

1. X.K.Andersen hayoti va ijodi.

2. X.K.Andersen – adabiy ertaklar muallifi.

3. X.K.Andersen adabiy ertaklarining obrazlar olami.

IPT – sharhlovchi ma'ruza.

IAT – mavzuga doir slayd.

HANS KRISTIAN ANDERSEN (1805-1875)

Jahon adabiyotidagi ertaknavis yozuvchilar orasida Hans Kristian Andersen ayniqsa ajralib turadi. Uning ertaklari kirib bormagan va sevilib o`qilmagan birorta mamlakat yo`q, desak, yanglishmagan bo`lamiz. Andersen Doniyoning Odens degan shahridagi kambag`al oilalardan birida tug`ildi. U bolaligida och-yalang`och hayot kechirgan bo`lsa ham, tinmay o`qidi. Italyan qo`shiqchisi qo`lida xonandalikni, bir rahoniydan lotin tilini, boshqa bir zamondoshidan esa artistlikni o`rgandi. Teatr san’atiga qiziqib, pyesalar yozdi. o`zining dastlabiri ijodiy urinishlarini odamlarga ko`isatmoqchi, ularga yaqinlashmoqchi, ularsiz yashashi mumkin emasligini aytmoqchi bo`ldi. Ammo uni kimlardir tushungan va intilishlariga xayrixohlik bilan qaragan bo`1salar, kimlardir uni masxara qilishdan o`zlarini tiymadilar. Lekin u hech narsaga qaramay, ezgu niyatli odamlar sari talpindi. Bastakor Veyze bilan, Shekspirning doniyolik tarjimoni admiral Vulf

bilan, Kopengagendagi Qirollik teatrining direktori Kollin bilan tanishdi. So`nggi uchrashuv uning keyingi hayoti va ijodi uchun ayniqsa muhim bo`ldi. Andersen bu bag`ri keng insonning marhamati bilan gimnaziyaga o`qishga kirdi va stipendiya olib o`qidi. Andersenning o`ziga xos iste’dodga ega ekanligini sezgan Kollin uning xususiy dars olib, bilimini to`ldirishi va universitetga kirishi uchun shart-sharoitlarni yaratdi. o`ta tirishqoq Va mehnatkash yigit talabalik yillarida nemis, fransuz, ingliz, italyan tillarida yaratilgan asarlarni o`qib o`rgandi. Univeisitetni tugatgach, Germaniya, Shvet-siya, Angliya, Fransiya va Afrika mamlakatlari bo`ylab sayohat qildi. Ana shu safari paytida yozajak asarlari uchun zarur bo`lgan hayotiy tajribani to`pladi, turli xalqlar va mamlakatlar hayoti haqidagi bilimini boyitdi. Har bir yozuvchi uchun hafaqat xalq hayoti bilan tanishish, balki o`z davrining mashhur kishilari bilan ham aloqada bo`lish muhimdir. Shu ma’noda Andersenning Shuman, Vagner, List, Rossini singari buyuk bastakorlar, Dyuma, Balzak, Xyugo, Heyne, Dikkens singari atoqli yozuvchilar bilan yaqin aloqada bo`lishi uning ijodiga katta ta’sir o`tkazdi. Bolaligidayoq hamma narsaga qiziqqan, hamma narsadan ta’sirlangan yozuvchi o`zidagi shu hayratlanish, zavqlanish tuyg`usini butun umri mobaynida saqlab qoldi. Xuddi shu tuyg`u uning ertaknavis sifatidagi yodiga qanot bag`ishladi. Jahon bolalar adabiyotining Shari Perro, Teodor Gofman, aka-uka Grimmlar singari ajoyib namoyandalaridan keyin ertaknavis yozuvchi sifatida dong qozonish qiyin. Lekin Andersen o`zining

porloq iste’dodi, haddan ziyod mehnatsevarligi orqasida bu ustozlaridan hatto o`tib ham ketdi. Andersenning o`nlab ertaklari asosida teatr spektakllari va multfilmlar yaratilgan.

BULBUL

Aziz o`quvchim senga kunday ravshanki, Chin-mochin degan mamlakatning shahanshohi ham, fuqarolari ham xitoylardan. Bu voqea qadim zamonlarda bo`lib o`tgan, shunga qaramay, u butunlay unutilib ketmasdan turib, bilib olsang, albatta, yaxshi bo`ladi! Shahanshohning saroyi dunyodagi eng yaxshi saroy ekan; chiroylilikka chiroyli-yu, ammo juda nozikligidan biror yeriga qo`l tekkizib bo`lmas ekan. Shahanshohning bog`ida eng anvoyi gullar o`sarkan, gullarning eng yaxshilariga kumush qo`ng`iroqchalar osilgan bo`lib, ular shabboda esganda jaranglab, sayr etuvchilarning e’tiborini tortib, bahri-dilini ocharkan. Ana shunday ajoyib bog` ekan bu! Bog` uzoq-uzoqlarga cho`zilib ketganidan oxiri qayerdaligini hatto bog`bonning o`zi ham bilmas ekan. Bog`ning bir tomoni qalin o`rmonga tutashib ketgan bo`lib, ichkarisida chuqur ko`llar bor ekan va o`rmon moviy dengiz yoqasigacha cho`zilgan ekan. Kattakon daraxtlarning suv uzra osilib turgan shoxlari ostidan kemalar o`tarkan. Ana shu daraxtlarning qalin shoxlari orasida bir bulbul yasharkan. Bulbul shu qadar go`zal sayrar ekanki, uning qo`shig`ini eshitib o`tirgan kambag`al baliqchi o`zining qayg`u-tashvishlarini va suvga solgan to`rini ham unutib yuborarkan. U kutilmaganda: «Yo, parvardigor, hayot naqadar yaxshi!» deb uzun so`lish olar ekan. So`ng yana tirikchiligi esiga tushib, baliq tutish bilan mashg`ul bo`larkan. Ertasiga kechqurun

baliqchi bulbul sayrog`ini eshitib, yana: «Yo, parvardigor, hayot naqadar yaxshi!» deb yuborarkan.

Xitoy shahanshohi saroyiga yetti iqlimdan sayyohlar kelib, hammasi g`aroyib chinni saroyni, jannatmakon bog`ni maqtashar ekan. Bulbul xonishini eshitishganida esa, sayyohlar: «Bu yurtning eng yaxshi g`aroyiboti mana shu!» deyisharkan.

Sayyohlar o`z yurtlariga qaytib borishganida ko`rgan-kechirganlarini odamlarga gapirib berisharkan. Olimlar Chin mamlakati shahanshohining saroyini va bog`ini ta’riflay turib, albatta, bulbulni ham tilga olib o`tishar, hatto u diyorning eng yaxshi g`aroyiboti shu, deyisharkan: shoirlar moviy dengiz bo`yida, o`rmonda yashovchi qanotli kuychini madh etib, ajoyib qasidalar yozisharkan.

Olim-u shoirlarning kitoblari jahon bo`ylab tarqalibdi va ba’zilari Chin shahanshohigacha yetib boribdi. Chin shahanshohi o`zining oltin taxtida savlat to`kib, kitoblarni o`qib o`tirar, har daqiqa mamnunlik bilan bosh chayqab qo`yardi, o`zining poytaxtini, saroyini, bog`ini maqtashgani unga yoqar edi-da. «Ammo hammasidan ham g`aroyibi bulbul!» degan gap bor edi kitoblarda.

– Nima, nima? – ajablandi shahanshoh. – Bulbul? Nega men uni bilmayman? Bu qanaqasi? Axir mening bog`imda shunday bir qush yashasa-yu nima uchun men bundan bexabarman? o`zimning bog`imdagi qushni birovlarning kitoblaridan bilsam-a?

Shunday deb shahanshoh xos a’yonlaridan birini o`z huzuriga chaqirtirdi. Bu amaldor shunchalar o`ziga bino qo`yardiki, agar biror odam u bilan gaplashishga va biron narsani so`rashga jur’at qilsa, faqat «uf-f» deb javob berardi. Bu esa hech qanday ma’noni anglatmas edi.

– Aytishlaricha, bizning mamlakatimizda bir ajoyib qush bor ekan, uning oti bulbul ekan, – dedi shahanshoh. – Ana shu bulbulni mening buyuk mamlakatimning eng yaxshi g`aroyiboti, deb hisoblasharkan! Nima uchun bu qushning borligini biror marta menga aytmagansizlar?

– Xudo haqqi, men bu to`g`rida eshitganim yo`q! – dedi bosh vazir. – Hech qachon bunday qushni saroy a’yonlariga tanishtirmaganlar!

– Amrimiz shuki, bulbulni shu bugun kechqurunoq saroyin’ga keltiringlar! – dedi shahanshoh, – u kuylab, bizni xushnud etsin! Menda qanday ajoyibot borligini butun dunyo bilsa-yu men o`zim bilmasam!

– Shunday qiish borligini hatto eshitmagandim, – takrorladi bosh vazir. – Ammo endi uni, albatta, qidirib topaman!

Qidirib toparmish! Juda oson ekan-da?

Shahanshohning bosh vaziri zinalardan balandga chiqib, pastga tushib, xonama-xona, dahlizma-dahliz yugurib-yelib, uchragan har kimsadan bulbulni so`rab-surishtirdi, lekin hech uning daragini bilmadi. Birinchi amaldor shahanshoh oldiga qaytib kelib: «Bulbul deganlari yo`q narsa, uni kitob yozuvchilar to`qib chiqarishgan», dedi.

– Janobi oliylari kitobda nimaiki yozilsa, hammasiga iShonavermang!

– Lekin bu kitobni menga eng qudratli Yaponiya shahanshohi sovg`a qilib yuborgan, unda yolg`on gap bo`lishi mumkin emas! – e’tiroz bildirdi Chin shahanshohi. – Men bulbul navosini tinglashni xohlayman! U shu bugun kechquranoq huzurimda bo`lishi kerak! Agar aytilgan fursatda bulbul shu yerga keltirilmas ekan, kaltak bilan hamma saroy a’yonlarining qorniga urdirajakman!

_Uf-f –dedi bosh vazir va yana zinalardan balandga chiqib, pastga tushib, xonama-xona, dahlizma-dahliz yugura boshladi; saroy amaldorlarining ko`pchiligi uning orqasidan ergashib, yugura boshlashdi – axir hech kim kaltak yeyishni xohlamas edi-da! Hammaning tili uchida bir savol: butun dunyo biladigan, lekin saroyda biror jon zoti bilmaydigan qanaqa qush ekan u?

Nihoyat, oshxonada ishlaydigan bir qizaloqdan qushning daragini eshitib qolishdi:

– Yo, xudoyim. Bulbulni bilmaysizlarmi? Uning sayrashini eshitmaganmisiz? Men, bechora kasalmand oyijonimga tushlik ovqatdan qolgan-qutganlarni eltib berishga mxsat olganman. Oyijonim shundoqqina dengiz yoqasida yashaydi. Men u yerdan qaytayotib, charchab qolsam, o`rmonda maysalar ustida o`tirib, maza qilib bulbul xonishini eshitaman! Shunday paytda ko`zlarimdan duv-duv yosh oqadi, onajonim bag`ida orom olayotganday, sevinib, ichimga sig`may ketaman!

– Oshpaz qizalog`im! – dedi bosh vazir. – Agar bizga bulbul qayerdaligini ko`rsatib bersang, seni saroy oshxonasidagi yaxshigina mansablardan biriga o`rnashtirib qo`yaman. Bulbul shu bugun oqshom saroyga taklif etilgan!

Shunday qilib, mansabdorlar oshpaz qiz yetakchiligida o`rmonga yo`1 olishdi. Saroyning deyarli barcha mansabdorlari bulbulni izlashga tushishdi. Ancha yo`l yurishganida dalada o`tlab yurgan sigirning mo`-mo`lashini eshitib qolishdi.

– O! Bulbul degani shu ekan-da! – deyishdi yosh amaldoriar. – Shunday kichik jonivorning ovozi shu qadar kuchliligini qaranglar! Lekin biz bu qushning ovozini ilgariyam eshitgandaymiz!

– Sizlar sigirning mo`-mo`lashini eshitding-lar, – dedi qizaloq. – Hali bulbulning oshiyoniga yetganimiz yo`q!

Yo`lda hovuzdagi qurbaqaning vaqillashini eshitib qolishdi.

– Naqadar ajoyib! – dedi saroy mansabdori. – Nihoyat, bulbul ovozini eshitdim! Xuddi ibodatxonamizdagi qo`ng`iroqlarning tovushiga o`xshaydi-ya!

– Yo`q, bular qurbaqalar! – dedi qizaloq. – Lekin endi bulbulning oshiyoniga yetay deb qoldik! Nihoyat, bulbul sayrashi eshitla boshladi.

– Mana endi bulbul sayrayapti, – dedi qizaloq. – Eshitinglar, eshitinglar! Ana, bulbulning o`zi! – shunday deya qizaloq daraxt shoxida o`tirgan mittigina, jimitgina qushchani ko`rsatdi.

–Nahotki shu bulbul bo`lsa! – dedi shahanshohning bosh vaziri. – Uni chiroyliroq bir narsa, deb o`ylabilan! Aft-angori juda oddiy ekan-ku! Cha-masi, biryo`la shuncha dongdor amaldorlarni ko`rganidan rangi o`chib ketdi shekilli boyoqishning!

– Bulbuljon! – deb qichqirdi qizaloq. – Olihirn-mat shahanshohimiz qo`shig`ingni eshitgilari kelib qolibdi!

– Juda yaxshi, – dedi bulbul va shunday ajoyib kuyladiki, eshitganlarni sel qilib yubordi.

– Xuddi chinni qo`ng`iroqlarning jarangiga o`xshaydi! – dedi bosh vazir. – Shunday jajji tomoqchaning titrashidan chiqqan tovushni qarang-a! Ajabo, uning qo`shig`ini jlgari eshitmagan ekanmiz-a! Bu qush saroyda juda katta obro` topadi!

Shahanshohga yana bir marta sayrab beraymi? – so`radi bulbul. .U shahanshohni shu yerda, deb o`ylagan edi.

– Ajoyib-g`aroyib bulbuljon’ –dedi bosh vazir. Shu bugungi oqshomda saroyda o`tkaziladigan bayramga sizni lutfan taklif etish vazifasi zimmamga yuklanganidan o`zimni baxtiyor hisoblayman! Shak-shubha yo`qki, siz g`aroyib qo`shig`ingiz bilan hazrati oliylarini maftun etgaysiz!

– Mening qo`shig`imni yam-yashil o`rmonda eshitish maroqliroq, – dedi bulbul, lekin shahanshoh uni qasrga taklif etganini bilib, jon-dili bilan borishga rozi bo`ldi.

Shahanshoh saroyida bayramga katta tayyorgarlik ko`rilayotgan edi. Chmni devorlarda va oyoq ostida son-sanoqsiz oltin fonuslarning shu’lalari jimirlardi uzun dahlizlarda shoxchalariga qo`ng`iroqchalar ilingan anvoyi gullar qator qilib qo`yilgandi. Xizmatchilarning yugur-yuguridan, taraq-turuqidan va g`irillab esgan yelvizakdan jaranglayotgan qo`ng`iroqchalarning tovushi odamlarning ovozini bosib ketardi. Kattakon zalning to`rida, shahanshoh taxtida o`tirgan joyga oltin qo`ndoq o`rnatilgan. Amaldorlarning hammasi jam bo`lgan; oshpaz qiz ham eshik oldida turardi; endi unga saroy oshpazi degan unvon berilgandi. Bezakli liboslar kiyib, yasan-tusan qilib olgan hamma odamlar jajji, qoramtir qushdan ko`zlarini uzmasdi. Shahanshoh ana shu jajji qushga hurmat ko`rsatib, bosh irg`ab qo`yardi.

Bulbul shunday dilbar bir navo qildiki, shahanshohning ko`zidan duv-duv yosh kelib, yonoqlafiga oqa boshladi; qushning qo`shig`i yuraklarga jiz etib borardi. Shahanshoh xursand bo`lganidan o`zining oltin kavushini mukofot qilib, bulbulning bo`yniga osib qo`yishga qaror qildi. Bulbul, qo`shig`imni eshitganingizning o`zi men uchun mukofot, deb oltin kavushdan bosh tortdi.

– Shahanshohning ko`zlaridan yosh oqqanini ko`rdim – bundan ortiq mukofot bo`lmaydi, – dedi bulbul. – Shahanshohning ko`z yoshida katta qudrat bor. Xudo shohid –menga bundan ortiq mukofot kerakmas!

Kunlardan birida shahanshohga paket olib kelib berishdi. o`ramning ustiga «Bulbul» deb yozilgandi.

– Bizning mashhur qushimiz to`g`risida yana bitta yangi kitob chiqarishibdi, – dedi u.

Lekin qog`ozga o`rog`liq narsa kitob emas, g`aroyib bir quticha ekan. Qutichaning ichida xuddi rostakam bulbulga o`xshash, lekin patlari-yu qanotlariga dur-u gavharlar, marvaridlar-u boshqa javohirlar qadalgan sun’iy bulbul bor edi. Bu qushning murvati burab qo`yilsa, rostakam bulbulning qo`shiqlaridan birini kuylab, oltin bilan kumushday tovlanayotgan dumini likillatib qo`yardi. Qushning bo`yniga bog`langan lentada «Xitoy shahanshohining bulbuli ip esholmaydi» degan yozuv bor edi.

– Naqadar ajoyib qush! – deyishdi bir og`izdan barcha amaldorlar va shu zahoti Yaponiya shahanshohining elchisini: «Shahanshohning favqulodda bulbullar yetkazib beruvchi • vakili» degan unvon bilan mukofotlashdi.

– Endi ikkala bulbul birga kuylashsin, ajoyib duet bo`ladi, – deyishdi amaldorlar.

Ammo ish yurishmadi. Jonli bulbul har gal o`zicha kuylar, sun’iy bulbul esa burama qo`g`irchoq sharmandaday faqat bir yo`sinda qo`shiq aytar edi.

– Sun’iy bulbul aybdor emas, – dedi saroyning bosh musiqa rahbari. – U sira adashmay bir xil pardada va men tuzgan usulda kuylaydi.

Sim’iy bulbulning o`zini qo`shiq ayttira boshlashdi, u rostakam bulbuldan ham ko`proq yoqdi amaldorlarga, buning ustiga u juda chiroyli, la’1-u javohirlari tovlanib turardi!

Sun’iy bulbul bir qo`shiqni o`ttiz uch marta aytib ham charchamadi. Davradagilar shu qo`shiqni o`ttiz to`rtinchi marta hairi rnaza qilib eshitishmoqchi edi, ammo shahanshoh tirik bulbulni ham ayttiraylik, degan istak bildirib qoldi. Lekin u g`oyib bo`lgan edi.

Tirik bulbul ochiq derazadan yam-yashil o`rmon sari uchib ketganini heeh kim payqamay qolgan edi.

– Bu nimasi? Qanday ko`rnamaklik! – xafa bo`1-di shahanshoh, shu zahoti barcha amaldorlar bulbulni ko`rnamak, pastkash maxluq, deb atashdi.

– Lekin, baribir, qushning sarasi bizda qoldi-ku! – deyishdi ular va sun’iy bulbulga boyagi qo`shig<sup>c</sup>ini o`ttiz to`rtinchi marta ham aytishga to`g`ri keldi.

Biroq sun’iy qush qo`shig`ining ohangini hech kim yodlayolmadi, chunki yodda qoladigan ohang emas edi. Saroyning bosh musiqa rahbari sun’iy qushni ko`kka ko`tarib maqtar, uning yaltiroq libosi va dur-u javohirlaridan tashqari ichki tuzilishi ham ajoyib ekanligini hammaga uqtirar edi.

– Tirik bulbulga kelsak, hazrati oliylari va siz, muhtaram janoblar, – dedi u shahanshohga hamda uning amaldorlariga qarab, – qachon qanday qo`shiq aytishini oldindan bilib bo`lmaydi. Sun’iy bulbulning esa qanday qo`shiq aytishini oldindan bilamiz! Hatto uning san’ati sirlarini ham bilish mumkin: bo`laklarga ajratib, ichki a’zolarining

tuzilishini – g`ildiraklari va parraklari qanday joyliigini, qanday ishlashini bilib olishimiz

mumkin.

– Biz ham shu fikrdamiz! – deyishdi saroyga yig`ilganlar. Bosh musiqa rahbari kelayotgan dam olish kuni sun’iy bulbulni xalq oldida namoyish qilishga ruxsat oldi.

– Bulbulimizni xalq ham eshitsin! – dedi shahanshoh.

Xalq sun’iy bulbulning qo`shig`ini eshitib, ko`ngli to`ldi. Xalq to`yib choy ichganida ham shunday qoniqish hosil qiladi. Hamma hayratlanib, bir- og`izdan «O!» deyishdi va ko`rsatkich barmoqlarini yuqori ko`tarib, boshlarini liqillatib qo`yishdi. Lekin chinakam bulbul sayrashini eshitgan kambag`al baliqchi sun’iy bulbuldan hayratlanmadi:

– Umuman durust, hatto rostakam qo`shiqqa ham o`xshaydi, amrno nimasidir yaxshi emas. Uning qo`shig`ida nimadir yetishmaydi, nima ekanligini o`zim ham bilmayman.

Tirik bulbulni esa davlatimiz chegaralaridan badarg`a qilingan deb e’lon qilishdi.

Sun’iy qush shahanshoh maxfili oldidagi ipak yostiqdan o`rin oldi. Atrofiga esa tirik bulbulga hadya qilingan barcha qimmatbaho narsalarni terib qo`yishdi. Endi uni: «Shahanshohning tungi dasturxoni paytidagi birinchi chapqol kuychisi», degan sharafli unvon bilan atay boshladilar. Negaki, shahanshohning ham yuragi chap tomonda bo`lgani uchun shu tomonni muhim hisoblashdi. Bosh musiqa rahbari sun’iy bulbul. to`g`risida yigirma besh jildli kitob yozdi, bu kitoblarda Chin mamlakatiga xos olimona, murakkab, tushunarsiz so`zlar to`lib-toshib ketdi.

Lekin saroy a’yonlari, «Bu kitoblarning hammasini o`qidik va tushundik», der edilar, chunki. shunday deyishmasa, ularni ahmoqqa chiqarib qo`yishlari va qorinlariga kaltak bilan urishlari turgan gap edi-da.

‘Shunday qilib, bir yil o`tdi: shahanshohning o`zi, saroyning barcha a’yonlari, hatto butun xalq sun’iy bulbul ashulasining har bir pardasini yodlab olishdi. Ularga qo`shiq yoqib qolganidan, endi sun’iy qushga jo`r bo`lib kuylay boshlashdi. Ko`chadagi o`g`il bolalar: «Vit, vit, vit! Vilik, vilik, vilikk –deb kuylashardi. Shahanshoh ham xuddi shunday kuylardi. Naqadar soz!

Ammo bir kuni kechqurun shahanshoh to`shakda yonboshlab yotib, sun’iy bulbulning qo`shig`ini eshitayotganida o`yinchoqning ichida shirillagan, chiyillagan tovushlar paydo bo`lib, parraklari pirillab aylanib ketdi va bulbulning uni o`chib qoldi.

Shahanshoh o`rnidan sapchib turib ketdi va saroy tabibini chaqirib kelishga odam yubordi. Lekin bu asnoda tabibning qo`lidan nima kelardi. Keyin soatsozni chaqirib kelishdi. Soatsoz usta oVinchoq bulbulni u yoq, bu yog`ini sinchiklab ko`rib, ko`p urinishlardan so`ng tuzatdi va «Endi bunga juda ehtiyot bo`linglar: parraklarining tishlari yeyilib ketibdi, yangisini o`rnatgan bilan avvalgiday qo`shiq aytolmaydi», deb ketdi. Falokatni ko`ring! Endi o`yinchoq qushga faqat yiliga bir marta qo`shiq ayttiradigan bo`lishdi. Bu qayg`uli hol bo`lsa ham bosh musiqa rahbari konsert oldidan qisqa, lekin murakkab ma’noli nutq so`zlab, «bulbulimiz avvalgidan ham yaxshi qo`shiq aytyapti», deb ishontirishga urinardi. Ehtimol, shundaydir.

Oradan yana besh yil o`tdi, butun mamlakat g`am-tashvishda qoldi. «Xalqning sevimli shahan-ishohi o`lim to`shagida», degan xunuk xabar tarqaldi. Allaqachon, kim yangi shahanshoh bo`lishini gapira boshlashdi. Ammo xalq ko`chalarda to`planib olib, birinchi amaldordan: «Qadrdon, avvalgi hukmdorimizning sog`lig`i qanday?» – deya so`rab-surishtira boshlashdi.

– Uf-f! – deb javob berardi amaldor va faqat bosh chayqardi.

Shahanshoh o`zining hashamatli maxfilida rang-ro`yi oqarib, qo`1-oyoqlari muzlab yotardi; saroyning barcha amaldorlari uni o`ldiga chiqarib, yangi shahanshohga ta’zimga borishga oshiqardi. Qarollar u yoqqa, bu yoqqa yugurib, gap sotishar, cho`rilar bo`sh vaqtlarida maroq bilan choyxo`rlik qilishardi. Barcha zallar va dahlizlarga qalin gilam to`shalgan, odamlar tovush chiqarmaslik uchun oyoq uchida yurishardi. Oraga sovuq sukunat cho`kkandi. Lekin shahanshoh hali tirik edi, u oyoqlari – ustunchaldri oltindan yasalgan barqut pardalar yopilgan hashamatli maxfllida o`lim bilan olishib yotardi: Ochiq derazadan oy mo`ralab, shahanshohga va o`yinchoq bulbulga qarardi.

Boyoqish shahanshohning nafas olishga ham majoli qolmagan edi, nazarida, kimdir ko`kragini bosib o`tirganday edi. U, ko`zlarini ochib, chindan ham ko`kragida Azroil o`tirib olganini ko`rdi. Azroil boshiga tojinr kiyib olgan, bir qo`lida hukmdorning oltin qilichi, bir qo`lida qimmatbaho davlat bayrog`i bor edi. Barqut pardalarning g`ijimlari orasida kimlarnngdir g`alati aft-angorlari ko`rinardi: bir xillari irkit va razil boshqalari muloyim va chiroyli edi. Azroil ko`kragiga chiqib olgan paytda shahanshohning yaxshi va yomon ishlari ana shunday qiyofalarga kirib, uni yo`qlab kelishgandi.

– Mana bu ishing esingdami? – deb shivirlashardi ular galma-galdan va shahanshohning umrida qilgan son-sanoqsiz yaxshi, yomon ishlarini yashirmay gapirib berishardiki, hukmdorning manglayidan sovuq ter chiqib ketar edi.

– Men bunday bo`lishini bilmas edim! – derdi shahanshoh va sharpalarni quvishga urinardi. – Musiqachilarni chaqiring, musiqa chalinglar! Kattakon xitoycha nog`oralarni olib kelinglar! Mana bularning gaplarini eshitishga toqatim yo`q!

Lekin arvohlar o`z gaplaridan qolmas, Azroil esa ularning gaplarini ma’qullab, xitoychasiga boshini liqillatib o`tirardi.

– Musiqachilarni chaqiring! Musiqa chalinglar! – deb qiehqirardi shahanshoh. – Aqalli sen qo`shig`ingni ayt, aziz, ajoyib tilla qushcha! Axir senga oltin, kumushlar, dur-u gavharlar hadya qildim, bo`yningga tilla kavushimni osib qo`ydim, kuylab ber, kuylasang-chi!

Lekin o`yinchoq qush jim turardi, uni kuylatish uchun murvatini burashga ham biror odam qolmagan edi. Azroil shahanshohga hamon ko`zi o`rnidagi katta-katta chuqurchalari bilan qarab o`tirardi. Xona suv quyganday jimjit edi.

Shu payt birdan deraza orqasida ajoyib bir kuy yangradi. Chinakam bulbul shahanshohning og`ir kasal bo`lib, o`lim bilan olishib yotganligini eshitib, uni ovutish, dalda berish uchun uchib kelgandi. Bulbul sayrar, arvohlar tobora xiralashar, shahanshohning yuragida tez-tez qon yurishar edi. Hatto Azroilning o`zi bulbulning nolasiga mahliyo bo`lib: «Kuyla, bulbuljon, kuyla!»–deb yalina boshladi.

– Kuylasam, oltin qilichni qaytarib berasan-mi? Qimmatbaho bayroqni-chi? Hukmdorning tojini-chi? – so`rardi bulbul.

Azroil qo`shiq sehri bilan boyagi qimmatli narsalarni birma-bir qaytarib bera boshladi. Bulbul esa hamon kuylardi. Nihoyat, u oq atirgullar va gulxayrilar muattar bo`y taratayotgan, yangi nish urib chiqqan maysalarni, tiriklarning o`lganlar uchun to`kkan ko`z yoshlari bilan sug`orilgan sokin, farahbaxsh qabriston haqida kuylay ketdi. Azroil bu qo`shiqni tinglab, o`zining so`lim bog`iga mehri shunday tovlanib ketdiki, shu zahoti oppoq va sovuq tumanga aylanib, oynadan uchib chiqib ketganini arang sezib qolishdi.

– Rahmat senga, aziz qushcha! – dedi shahanshoh. – Sen unutilmaydigan ish qilding! Seni davlatimdan badarg`a qilib, haydab yuborgan edim, sen esa menga hamla qilgan dahshatli arvohlarni, hatto Ajalning o`zini ham huzurimdan haydab yubording. Bu yaxshiliklaringni qanday qaytarsam ekan?

– Sen allaqachon qarzingni uzgansan! – dedi bulbul. – Huzuringda birinchi marta sayraganimda ko`z yoshlaringni ko`rdim – buni hech qachon unutmayman. Kuychining ko`nglini ko`taradigan oliy mukofot – hayajonli ko`z yoshlari! Lekin endi sog`aytiradigan, tetiklashtiradigan uyquga ketib, orom ol! Men bo`lsam seni qo`shiq aytib allalayman!

Bulbul yana sayrashga tushdi, shahanshoh esa sog`lom, huzurbaxsh uyquga ketdi.

Shahanshoh uyg`onganida, derazadan quyosh nurlari tushib turardi. Xizmatkorlaridan birortasi xabar olmas, hamma uni o`ldiga chiqargan edi. Faqat bulbulgina deraza raxiga qo`nib, hamon sayrardi.

– Bulbuljon, endi seni yonimdan sira ketkazmayman! – dedi shahanshoh. – Endi o`zing istagan paytingda sayraysan, o`yinchoq bulbulni esa sindirib, parcha-parcha qilib tashlayman!

– Unday qilma! – dedi bulbul. – U ham qo`lidan kelganicha xizmat qildi. Mayli, o`yinchoq bulbul avvalgiday yoningda bo`lsin! Men saroyda yashay olmayman, axir! Faqat o`zim xohlagan vaqtimda huzuringga kelib turishga ruxsat bersang bo`ldi. o`shanda oqshomlari derazangga qo`nib, qo`shiqlar aytib beraman. Qo`shiqlarim seni ham sevintiradi, ham o`ylantiradi. Men senga atrofingda yurgan baxtli va baxtsiz odamlar haqida, yaxshilik va yomonlik haqida qo`shiqlar aytaman. Jajjigina sayroqi qush har yerda uchib yuradi, sendan uzoqlarda yashaydigan kambag`al baliqchi va dehqonlarning kulbalariga ham uchib kiradi. Men seni boshingdagi tojing uchun emas, qalbing uchun sevaman. Lekin, baribir hukmdorlik toji qandaydir muqaddaslik nuriga yo`g`rilgan! Uni pok saqla! Demak, huzuringga keyin ham kelib turaman! Faqat bir narsaga va’da ber!..

– Aytganing bo`lsin! – dedi shahanshoh o`zining bor savlatini namoyish qilib. Bu orada u o`zining shahanshohlik liboslarini kiyib, og`ir oltin qilichini ko`ksiga bosib turardi.

– Faqat bir narsani iltimos qilaman! – dedi yana bulbul. – Fuqarolarning ahvoli to`g`risida bor xabarlarni aytib turuvchi jajji qushchang borligini hech kim bilmasin. Shunday bo`lgani yaxshi!

Bulbul shularni aytib, uchib ketdi.

Xizmatkorlar shahanshohning o`ligini ko`ramiz, degan o`yda saroyga kirishar ekan, ostonada to`xtab, hang-u mang bo`lib qolishdi.

Shahanshoh esa ularga:

– Salom! – deya peshvoz chiqdi...