M. F. Ziyayeva, O. Z. Rizayeva

 
6.11. Sifonli huqna qilish texnikasi
 
 
Odatdagi  tozalash  huqnalari  ta’sir  qilmaganda  sifonli 
huqnalar quyidagi hollarda qilinadi:
 
1) Ichakning tutilib qolishi. 
 
2) Turli xil zaharlanishl
аr.
 
3)  Davolash  maqsadida  gazlarni  haydash  va  yo‘g‘on 
ichakning pastki qismini yuvish. 
 
Ichakning  tez  bo‘shalishi  uchun  sifon  usuli  (ichakni  ko‘p 
marta  yuvish)  eng  yaxshi  usul  hisoblanadi,  bu  usulda  tuta-
shadigan  idishlardan  foydalaniladi.  Bunday  idishning  biri  - 
ichak, ikkinchisi - to‘g‘ri ichakka kiritilgan rezina naychaning 
tashqi uchidagi voronkadir. Bajarish tartibi:
 
1. Bola ruhiy jihatdan tayyorlanadi. 
 
2. Qo‘llar yuvib, quritiladi. 
 
3. Tayyorlab qo‘yiladi: 2 ta yo‘g‘on, uzunligi 1 m keladigan 
bir uchiga shishali naycha ulangan oshqozon zondi, 1 litr hajmli 
voronka, xona haroratidagi 10 litr suv, 1 litrli obdasta, yuvindi 
suvlarini  yig‘ish  uchun  chelak,  suvqog‘oz,  fartuk,  vazelin, 
qo‘lqoplar, to‘siq, mustahab uchun to‘plam. 
 
4. Zaruriyat bo‘lsa to‘siq o‘rnatiladi. 
 
5. Qo‘lqoplar kiyiladi va fartuk taqiladi. 
 

---

 
344 
6.  Bola  choyshab  va  suvqog‘oz  solingan  kushetkaga 
yotqiziladi,  bunda  uning  oyoqlari  tizzada  bukilib,  qoringa 
keltirilgan bo‘lishi kerak. 
 
7.  Zondning  to‘mtoq  uchiga  30-40  sm  uzunlikda  vazelin 
surtiladi. 
 
8.  Bolaning  dumbalarini  ochib  zondning  to‘mtoq  uchi 
ichakka 30-40 sm masofaga kiritiladi. 
 
9. Voronka ulanadi. 
 
10.  Voronka  bemor  sathidan  biroz  pastda  egik  holda 
ushlanadi. 
 
11.  Voronka  suv  bilan  to‘ldirilib,  asta-sekin  80  sm 
balandlikka ko‘tariladi. 
 
12.  Voronkadagi  suv  uning  bo‘g‘ziga  yetgach,  voronka 
tog‘ora  ustiga  tushiriladi  va  ichakdagi  suv  voronkani 
to‘ldirmaguncha to‘nkarilmaydi. 
 
13. Voronkadagi suv to‘kib tashlanadi. 
 
14.  Voronka  yana  suv  bilan  to‘ldiriladi,  yuqoridagi 
muolajalar ichakdagi gazlar to‘liq chiqib ketmaguncha va toza 
suv paydo bo‘lmaguncha qaytariladi.
 
15. Voronka ajratiladi, rezina nay to‘g‘ri ichakda yana 10-20 
minutga qoldiq suvlar chiqib ketishi uchun qoldiriladi. 
 
16. Muolajadan so‘ng bolaga mustahab qildiriladi. 
 
17.  Asboblar,  parvarish  buyumlari  va  bemor  ajralmalariga 
ishlov beriladi. 
 
18. Qo‘lqoplar yechiladi va ularga ishlov beriladi.