M. F. Ziyayeva, O. Z. Rizayeva

 
4.7. Laringospazm (xuro‘zak) va soxta bo‘g‘mada shoshilinch
 
yordam ko‘rsatish
 
Laringospazm sindromi, asosan, yosh bolalarda uchraydigan 
spazmofiliya  kasalligining  ro‘yirost  namoyon  bo‘ladigan 
birinchi  formasi  bo‘lib,  ovoz  tirqishining  torayib  qolishidir. 
Laringospazm  sindromi  aksariyat  ikki  yoshgacha  bo‘lgan 
bolalarda uchraydi. 
 
Laringospazm xurujlarini bartaraf etish uchun bolaga sovuq 
suv sepish, dumbalariga urib ko‘rish yoki chimchilash, umumiy 
ta’sir  berish,  til  ildizini,  tomoq  devorlarini  shpatel  yoki 
zaruratga qarab toza ko‘rsatkich barmoq bilan ta’sirlantirish, bir 
necha  marta  yurakni  massaj  qilish,  burnidan  nafas  paydo 
bo‘lguncha sun'iy nafas oldirish kifoya qiladi. Zaruratga qarab 
bolaga  spazmolitiklar,  talvasa  qoldiruvchilar  va  albatta  kalsiy 
preparatlari (10 % li kalsiy glyukonat yoki xlorid  - 1-2-5 ml, 
kalsiy glyukonat tabletkalari 0, 5 g) berish tavsiya etiladi.