M. F. Ziyayeva, O. Z. Rizayeva

 
3.5. Ingalatsiya usulida dorilarni qo‘llash
 
 
Ingalatsiya  –  dori  moddalarini  nafas  yo‘llari  orqali  kiritish 
usuli bo‘lib, gazlar (kislorod, karbonat angidrid), shuningdek, 
chang holidagi mayda moddalardan nafas olish mumkin. Ularni 
hosil qilish uchun pulverizator kabi ishlangan maxsus apparatlar 
yoki bug‘ ingalyatorlari ishlatiladi - qisilgan havo yoki kislorod 
eritmalari changsimon holatga keltiriladi, ulardan bemor nafas 
oladi.  Ingalatsiyalarni,  shuningdek,  dori  solinadigan  dastaki 
(cho‘ntak) ingalyatorlari yordamida ham o‘tkazish mumkin. 
 
1. Tayyorlab qo‘yiladi: cho‘ntak ingalyatori. 
 
2. Bolaga muolaja maqsadi va tartibi tushuntiriladi. 
 
3. Ingalyator ballonchasi qo‘lga olinadi. 
 
4. Balloncha qopqog‘i yechiladi, mundshtuk kiydiriladi. 
 
5. Balloncha silkitiladi. 
 
6.  Balloncha  tubini  yuqoriga  qaratib  katta  va  ko‘rsatkich 
barmoqlar bilan vertikal holda ushlanadi. 
 
7. Boladan mundshtukni lablari bilan ushlashi so‘raladi. 
 
8.  Boladan  chuqur  nafas  olib,  uni  ushlab  turishi  so‘raladi, 
shu  vaqtning  o‘zida  balloncha  tubi  bosilib,  aerozolni  nafas 
yo‘llariga siqib chiqariladi. 
 
9. Boladan 10 soniya nafasini ushlab turishi so‘raladi. 
 
10. Ingalyator tortib olinadi va qopqog‘i kiydiriladi. 
 
Izoh:
 
– cho‘ntak ingalyatori individual qo‘llaniladi;
 
– kuniga 5-7 martadan ortiq qo‘llab bo‘lmaydi. 
 
 
 

---

 
320