M. F. Ziyayeva, O. Z. Rizayeva

2.7. Bolalarni suv bilan chiniqtirish
 
 
Bolalarni suv bilan chiniqtirish artinish, yuz-qo‘llarni yuvish, 
oyoqlardan va umuman, ustdan suv quyish, tomoqni chayish, 
soy, daryo va dengizda cho‘milish kabi muolajalar bilan amalga 
oshiriladi. 
 
Artinish muolajasi 6 oylikdan oshgan bolalarda qo‘llaniladi. 
Oldin  quruq  artiladi,  so‘ng  namlangan  qo‘l  bilan  suvni  siqib 
tushirib artiladi. Artinish muolajasi quyidagicha bajariladi: qo‘l 
panjasidan  yelkagacha,  oyoq  panjasidan  songacha,  so‘ng 
ko‘krak, qorin va belga o‘tiladi. Har qaysi gavda qismini artib 
bo‘lgandan  keyin  o‘sha  joyni  sochiq  bilan  to  qizarguncha 
ishqalanadi.  Suvning  harorati  (1  yoshgacha  bo‘lgan  bolalar 
uchun)  oldiniga  33-35
o
C,  keyin  uni  har  2-3  kunda  1-2
o
C  ga 
tushirib  borilib,  28-30
o
C  gacha  pasaytiriladi,  3  yoshgacha 
bo‘lgan  bolalar  uchun  25-26
o
C  va  maktabgacha  yoshdagi 
bolalar uchun esa 16-18
o
C gacha tushirish mumkin. 
 
Ustidan suv quyishga faqat 1,5-2 yoshdan boshlab o‘tiladi, 
suv  ko‘zadan  yoki  dush  yordamida  quyiladi.  Chiniqtirish 
boshida  suv  harorati  33-35
o
C,  keyin  uni  27-28
o
C  gacha, 
maktabgacha yoshdagi bolalar uchun esa 22-25
o
C gacha sekin-
asta  pasaytiriladi.  Oyoqlarga  ko‘zadan  suv  quyilgandan  keyin 
ularni  sochiq  bilan  to  qizarguncha  ishqab  artiladi.  Suvning 
harorati 32-30
o
C dan 16-18
o
C gacha pasaytiriladi. 
 
Bolalarni 3 yoshidan boshlab daryo, dengizlarda cho‘miltira 
boshlash mumkin. Bunda qator qoidalarga rioya qilishga to‘g‘ri 
keladi:  ovqatdan  keyin,  quyosh  vannasi  olgandan  so‘ng 
cho‘miltirish mumkin emas, uzoq cho‘miltirish ham yaramaydi 
(2-3  daqiqadan  10  daqiqagacha  mumkin,  xolos).  Suvning 
harorati 22°C dan past bo‘lmasligi kerak.