M. F. Ziyayeva, O. Z. Rizayeva

Etiologiyasi.  Iqlimiy  o‘zgarishlar,  mavsumiy  omillar  ta’siri, 
ovqatning xili va boshqa ko‘pgina sabablar ekssudativ diatezning 
kelib chiqishi uchun asosiy sabablar hisoblanadi.
 
Ekssudativ  diatezning  klinik  belgilarining  paydo  bo‘lishiga 
ovqat allergenlari (ayniqsa, ovqatning oqsil va yog‘ moddalari - 
sigir suti, tuxum), mahalliy fizik, kimyoviy ta’sirlar, iqlim, ob-
havo shar
оtlari (sovqotish, issiqlab ketish), ehtiyotdan emlash 
uchun  organizmga  yuboriladigan  dorilar  va  boshqalar  asosiy 
omil bo‘lishi mumkin.
 
Ekssudativ  diatezning  asosiy  belgilari  hayotining  birinchi 
yilini yashab kelayotgan bolalarda ko‘proq ifodalangan bo‘ladi. 
Diatezning dastlabki simptomlari bolalarning 3-5 oyligida, lekin 
bundan  ko‘ra  ilgariroq  muddatlarda  ham  paydo  bo‘lishi 
mumkin.  Bola  hayotining  birinchi  yili  ikkinchi  yarmi  bilan 
ikkinchi yilining boshlarida diatez yaqqolroq namoyon bo‘ladi: 
bola hayotining ikkinchi yilining oxirlariga borib u susayadi va 
bola ulg‘aygan sayin ko‘pchilik bolalarda yo‘qolib ketadi, lekin 
ba’zi  bolalar  organizmining  reaktivligi  o‘ziga  xos  ravishda 
yumshoqroq holda saqlanib qolishi mumkin.