М. Ф. Хакимова н. Х. Лутфуллаева

 
10.3.Билим, кўникма ва малакаларни муваффақиятли ўзлаштириш 
тестларини ишлаб чиқиш йўллари 
 
Фаннинг йўналишидан. талабалар даражасидан келиб чиққан ҳолда тест 
турлари шакллари танланиши лозим. Тест турларини қуйидаги гуруҳларга 
ажратиш мумкин. 
1.Эслаш, ѐдда сақлаш, таниш каби психик жараѐнлар боришини 
таъминловчи тестлар. Бу тестлар мустаҳкамлаш ва текшириш вазифасини 
бажаради. 
2.Ўзлаштиришнинг репредуктив даражасини ўлчовчи тестлар. Бу тестда 
талаба ўз билимларини ўрганган ҳолатида қўллай олиши талаб этилади. Бу 
тестларни ишлашда талаба тўрт хил психологик операцияни бажариши лозим: 
а) формулани эслаш; 
б) тенгликларни эслаш; 
в) шунга ўхшаш мисолларни эслаш; 
г) мисолни эслаш. 
Бундай тест талабаларда билим, малака ва кўникмаларини баҳолашга 
ѐрдам беради. Аммо бу тестда кўпроқ қўллай олиш назарда тутилади. Бундай 
тестлар ижодий фикрлаш даражасига таъсир этмайди ва уларни репродуктив 
тестлар деб аташ ўринли бўлади. 
3.Продуктив тест тури. Бундай тестни ечишда талабадан ижодий ѐндошув 
талаб этилади. Бундай тестни ечиш учун талаба 5-6 та операцияни бажариши 
лозим. Бу тест мантиқий фикр юритишни ва изчилликни талаб этади. Бунинг 
учун ўқув жараѐнида ечилган машқлардан бир оз бошқачароқ вазифалар танлаб 
олиниши керак бўлади. 
4.Изланувчан – ижодий тест тури. 
Маълумки ижод - бу қандайдир янги ечимни топишдир. Бунинг учун бу 
тестда стандарт бўлмаган вазифалар берилади. Бу мураккаб тест бўлиб, ижодни 
ривожлантиришда ва иқтидорли талабаларни танлаб олишда ишлатилади. 
Тестларни шаклига кўра ҳам бир қанча гуруҳларга ажратиш мумкин. 
Ёпиқ тестлар
. Бу тест шарт ѐки сўроқ ва бир қанча жавоблардан 
тузилган бўлиб, биттаси тўғри жавоб ҳисобланади. Унинг ѐпиқ тест 
дейилишига сабаб талаба ўзининг тўғри жавобини бера олмайди. У фақат 
мавжуд жавоблардан биттасини танлаши мумкин. Бундай тестларни тузишда 
юзакиликдан эҳтиѐт бўлиш керак ва жавоблар тузаѐтганда мантиқийлик ва 
анализга асосланиши лозим. 
Очиқ тестлар
. Бу тестда шарт ва сўроқ берилади. Жавоб эса мустақил 
талаба томондан топилади. Бунда энг муҳим ўзак сўз тушириб қолдирилиши 
мумкин, ана шу ўзак сўз топилиши лозим. 

---

129