M., Ermatov N. X. "Metro vagonlari elektr jihozlari va ularni boshqarish tizimlari"

1-laboratoriya ishi
Metropoliten vagonlari mashinisti o'quv trenajori jihozlaridan foydalanishda xavfsizlik choralari.
Ishning maqsadi. Talaba amaliy mashg'ulotni boshlashdan oldin 81-717.5M talabaga poezd simulyatorida ishlayotganda xavfsizlik choralarini o’rgatish va bilimini tekshirish.
Ish tartibi
1.1. Uskunalar va ularning mo’ljallanishi
81-717.5M rusumli metro vagonlari mashinisti o'quv simulyatori talabalarni real yo'lning ma'lum bir qismida metro vagonlarini boshqarish, favqulotda va avariyaviy vaziyatlarda harakat qilish bo'yicha kasbiy tayyorlashga mo'ljallangan. O'quv simulyatorining vizual tizimi 3D-grafika asosida amalga oshirilgan real yo'l uchastkalarini namoyish qilishni ta'minlaydi.
O'quv simulyatori quyidagi amaliy ko'nikmalarni mashq qilishga imkon beradi:
- tarkibni ishga tushirishning texnologik ketma-ketligi;
- metro vagonini real yo'l uchastkasi bo'ylab boshqarish;
- favqulodda va nostandart vaziyatlarda to'g'ri harakat qilish;
- poezdni qo'lda boshqarish rejimida boshqarish;
- indikaciya va boshqaruv panellari bilan ishlash;
- (ASOTP) "Igla" avtomatik yong'inni aniqlash va o'chirish tizimi bilan ishlash.
Talabalarning ish joyi mashinist pulti, poezd va vagon avtomatlari panellari, mashinist kreslosi va LCD displey o'rnatilgan maxsus platformada joylashgan.
O’quv trenajoridagi yurishni amalga oshirish dasturi quyidagilarga imkon beradi:
- talabani ma'lumotlar bazasidan tanlash, harakatlanish zonasini, shuningdek, belgilangan harakat uchastkasi uchun yurish stsenariysini tanlash;
- harakat tarkibi parametrlarning dastlabki xususiyatlarini o'rnatish va saqlash;
- yurishdan oldin hujjatlarni chop etish;
- uchastka bo’ylab yurishni amalga oshirish;
- favqulodda vaziyatlarni simulyatsiya qilish;
- kamchiliklarni kiritish;
- yurish paytidagi qoidabuzarliklarni qayd etish;
- yurish yakunlari bo'yicha bayonnomani chop etish.