M., Ermatov N. X. "Metro vagonlari elektr jihozlari va ularni boshqarish tizimlari"

Hisobotning mazmuni

1. Uskunalar va ularning mo’ljallanishi

2. Manyovrlarni amalga oshirish
3. Poezdlar harakati. Umumiy talablar.
4. Poezdlar harakati tartibi
Nazorat savollari

1. Simulyator jihozlari va uning mo’ljallanishi

2. Manyovrlarni amalga oshirishda mashinist hatti harakatlarining tartibidi aytib bering.
3. Poezdlar harakatiga qanday umumiy talablar qo’yiladi?
4. Poezdlar harakati tartibi


5-laboratoriya ishi
Favqulodda vaziyatlardagi harakatlar.
Ishning maqsadi. Talabani favqulodda vaziyatlarda to'g'ri harakatlarni bilishini, shuningdek nosozlikni aniqlash va bartaraf etish qobiliyatini shakllantirish va ushbu bilimlarni tekshirish.
Ishni bajarish tartibi
5.1. Uskunalar va ularning mo’ljallanishi
81-717.5M rusumli metro vagonlari mashinisti o'quv simulyatori talabalarni real yo'lning ma'lum bir qismida metro vagonlarini boshqarish, favqulotda va avariyaviy vaziyatlarda harakat qilish bo'yicha kasbiy tayyorlashga mo'ljallangan. O'quv simulyatorining vizual tizimi 3D-grafika asosida amalga oshirilgan real yo'l uchastkalarini namoyish qilishni ta'minlaydi.


5.2. 81-717.5M poezd simulyatoridagi nosozliklar
Avtostop magistralining uzilishi.
TM manometrida bosim pasayishi kuzatilyapti va yurish sxemasi o’chirildi. Zudlik bilan favqulotda tormozni amalga oshirish kerak. Poezdni to'xtatib, diqqat bilan quloq solganda mashinist bosh vagonning o'ng tomonida havo chiqayotganini eshitadi, bu uzish klapani yoki avtostop magistralidagi rukav uzilganini bildiradi. Xavoning sizib chiqishi rukav uzilgani tufayli yuzaga kelgan. Harakatlanishni davom ettirish uchun avtostop magistralini to'sib qo'yish kerak.
Harakatlar tartibi:

1. 
   Nosozlik haqida dispetcherga xabar bering va vaziyatdan chiqishni boshlang
   
2. 
   Tormoz magistralini to’liq bo’shating
   
3. 
   UAVA dastagini pastki holatiga qo'yib, avtostop magistralini yopib qo'ying
   
4. 
   Tugmani bosish orqali UAVA kontaktlarini tiklang
   
5. 
   Tormoz magistralini to'ldiring
   
6. 
   UAVAning yopilishi haqida dispetcherga xabar bering va keyingi harakatlar uchun ko’rsatmalarni so’rang.
   
7. 
   Dispetcherning ko'rsatmalariga binoan rukavni almashtirish uchun 20 km/soat tezlikda tupikga qarab harakatlaning.