M. Dáwletov, e. Dáwenov, D. SeyDUllAevA

Bizler  kewilli  túrde  shay  ishtik.  Qońsılarımız  bizlerge 
tańlanısıp  qaray  basladı.  Xibat  aǵanıń  awılǵa  alıp  kelgen 
http://eduportal.uz

---

32
bul  jańa  xabarı  tez  jıldırımday tarap ketti.  hámmede 
quwanısh,  júzinde  kúlki.  hámme  úyge  jıynalıp,  shay ústinde 
bul  quwanıshlı  xabardı,  qaladaǵı  ózgerislerdi  Xibat  aǵanıń 
óz  awzınan  esite  basladı.  Men  ekinshi  keseni  iship  boldım.
Jıynalǵan  adamlar  kóp  waqıtqa  deyin  tarqamadı.  Qaladan 
keshke  qaray  jańa  xabarlar  kelip  jetti.  Endi  xibat  aǵanıń 
aytqanlarına  isendi.  (D.Y.)
41-shınıǵıw.  Oqıń.  Basqarıwshı  baylanısta  kelgen  sózlerdi  ta-
wıp,  olardıń  qanday  qurallar  arqalı  baylanısıp  kelgenin  túsindiriń.
1. Usı  kúni  jamǵır  tún  yarımına  shekem  tınbadı. 
2.
 Tawlardıń  jıraları  menen  joqarǵı  jiyeklerin  kók  shópler 
qaplap  alǵan  edi.  3. Sharwa  qızı  qoylardı  qoradan  shıǵardı. 
4.
 Qolındaǵı  saatına  qarap  edi,  waqıt  jeti  bolǵan  eken. 
5. Bunnan  bir  saat  burın  uyqısınan  oyanıp,  biraz  jumıslardı 
pitkerdi.  6. Jupargúl  kúlimsirewi  menen  qádemlerin  nıq  basıp 
úyine  qarap  júrdi.  7. Jupargúl  qara  shaydı  quya  basladı. 
8. Jupargúl, — dedi,  Boranbày  fermer-xojàlıq  orayına  barmaq-
shıman.  9.
 Boranbay  fermer-xojàlıq  orayına  barıp  qaytqan 
kúnniń  erteńine  qoylardı  ózi  baǵıp  ketti.  10.  Juwǵan  kir-
lerin  dalaǵa  jayıp  shıqtı.  (J.Sap.)
42-shınıǵıw.  Kóp  noqattıń  ornına  tiyisli  seplik  jalǵawı  hám 
tirkewishlerdi  qoyıp  kóshirip  jazıń.  Baylanıstırıwshı  qurallar  arqalı 
baylanısıp  kelgen  sózlerdiń  astın  sızıp,  olardıń  qaysı  seplik  qosım-
taları  arqalı  baylanısqanın  anıqlàń.
1. — Men  sen...  bunıńdaydı  kútpegen  edim.  Meniń  jan 
dúnyamnıń  sır...  túsinbediń.  «Shıbınnıń  bası...  baq  qonsa, 
suńqar  sálemge  keledi»  degen  usı  eken.  Suńqardıń  qádi... 
bilmedińiz,  búgingi...  umıtpayman — dep  mashinası...  minip 
jolına  tústi.
2. Túske  ...  qoyların  ózi  baqqan  Jupargúl  tústen  ... 
oqıwdan  qaytqan  inisi  menen  sińlisin  ornı...  jiberdi.  Úy 
jumısı...  kiristi.  Anası  qaytıs  bolǵannan  ...  úydiń  ishki  bar-
lıq  jumısları  ózi...  qarap  qalǵan  edi.  Ákesi  menen  sińlisi, 
inisiniń  kiyimler...  juwdı.  Qudıq...  suw  ákelip,  shelekler...  tol-
tırdı.  Usınday  isler ...  shuǵıllanǵan  qız  keshtiń  bolıp  qalǵanın 
da  sezbedi.  (J.Sap.) 
http://eduportal.uz

---

33