M. Dáwletov, e. Dáwenov, D. SeyDUllAevA

13-shınıǵıw.  Oqıń.  Dialog  gáplerdiń  neshe  adamnıń  qatnası 
arqalı  dúzilgenin,  neshe  replikalıq  gáp  bar  ekenin  hám  aytılıw 
maqsetine  qaray  qanday  irkilis  belgileri  qoyılıp  kelgenin  aytıń.
http://eduportal.uz

---

15
Aqırında  jol  ashılıp  mashinalar  óz  baǵdarı  menen  júre 
basladı.
— Siz  ne  qılıp  tursız,  avtobusıńız  ketip  qaldı  ǵoy? 
— dedi  maǵan  Bektemir.
— Men  sizge  kelgen  edim.
— Kelgeniń  jaqsı,  qonaqtan  qashpaymız, — dedi  kórisip 
atırıp.
— Sizde  jumısım  bar  edi,  Báke? — dedim  onı  húrmetlep.
— Jol  dúzetiwshilerdiń  Tájikstanǵa  baratırǵanınan  siziń 
xabarıńız  bar  ma?
— Esitiwim  bar.
— Olay  bolsa,  Pamirge  ketpesińizden  burın  siz  benen 
sóylesip  almaqshı  edim.
— Kelgenińiz  bir  ájep  bolǵan  eken  daǵı, — dedi  ol  maǵan.
— Biraq,  men  Pamirge  barmayman,  men  tuwralı  gazeta-
ǵa  jazıwdıń  keregi  joq.
— Nege  barmaysız?  Jumıs  kóp  pe?  Yamasa  úyde  naqolay 
jaǵday  bar  ma?
— Qanday  jumıs  bolsın.  Joldıń  jaǵdayın  ózińiz  kórip 
júrsiz.  Al  endi  úyde  bolsa? — dep  ol  qaltasınan  papiros  alıp, 
jım-jırt  bolıp  qaldı.
— Úyde  de,  qalay  da  basqalardaǵı  sıyaqlı  jumıs  tabılıp 
qaladı  ǵoy.  Sóytse  de  Pamirge  barmayman.  (Sh.A.)
14-shınıǵıw.  Kóshirip  jazıń.  Dialog  túrindegi  gáplerge  dıqqat 
etip,  olarǵa  irkilis  belgileriniń  qoyılıw  sebebin  túsindiriń.
Bunnan  keyin  aqsaqal  lám-mim  dep  úndegen  joq.  Biraz-
ǵa  shekem  úy-ishi  jım-jırt  boldı.  Bir  waqıtta  qara  saqallı 
kisi:
— Bul  adam  sennen  birneshe  kóylek  burın  tozdırǵan 
adam.  Aqsaqaldıń  tilin  al, — dedi.
— Biz  ele  hesh  nárseniń  basına  barǵan  joqpız.
— Jası  úlken  adam  menen  salǵılaspa  dedim  ǵoy.
— Ol  sizlerdiń  paydańız.  Xalıqtıń  talabı.
Aqsaqal  maldas  qurıp  otırdı  da  birden:
— Xalıq  degenimiz — siziń  menen  bizler.  Mına  otırǵan 
qara  kózler.  Gúllán  sharwalar.  Barlıq  adamlar, — dedi.
— Olay  bolsa  sol  xalıqtıń  basshısı  men.
http://eduportal.uz

---

16
— Onda  meniń  dawam  joq.
— Dawań  bolmasa,  xalıqtıń  qula  dalaǵa  taslaytuǵın  dımı 
da  joq.  Túsindiń  be!...  Biz  búgin  Dáwqarada  bolsaq,  erteń 
teńiz  boyındamız,  arǵı  kúni  kóshemiz.  Adım  jerde  mektep 
salǵanday  hal  joq.  Mektep  ushın  altı  qanat  úy  berip 
qoyıppan,  erteń  tiktirip  beremen, — dedi  gápti  shorta  kesip. 
(Ó.X.)