M. A. Xujamberdiyev

 
PLEVRITLAR 
12-masala.
26 yoshli bemor G. ko‘krak qafasida og‘riq borligidan, og‘riq nafas olganda 
kuchayishi, quruq yo‘tal va tana haroratining 38°S gacha ko‘tarilishidan shikoyat kiladi. 
Sulfanilamidlar bilan davolash foyda bermagan. Bir necha kun ilgari mayda bo‘g‘imlarida og‘riq 
paydo bo‘lib, shishib ketgan. Ko‘zdan kechirilganda qo‘lining mayda bo‘g‘imlari shishib, 
ularning harakati chegaralanganligi aniqlangan. Terisida mayda toshmalari bor. Nafas olganda, 
auskultatsiyada ko‘krak qafasida «plevrada ishqalangandek shovqin» eshitilgan. Yuragi minutiga 
120 marta uradi. Normaxromli kam-qonlik bo‘lib, retikulotsitlar ko‘paygan, leykotsitlar soni 
kamaygan. ECHT 40 mm/soatga teng. 
1. Qanday tashxis ko‘yilsa to‘g‘ri bo‘ladi? 
a) o‘pkaning pastki bo‘lagidagi o‘tkir pnevmoniya; 

---

b) revmatizm (o‘tkir revmokardit, poliartrit, plevrit); 
v) sulfanilamid preparatlariga allergik reaksiya, pansitopeniya; 
g) sulfanilamid preparatlari ta’sirida kelib chikkan gemolitik kamqonlik; 
d) sistemali qizil volchanka. 
2. Tashxis qo‘yish uchun qaysi tekshirish usullarini qo‘llash kerak? 
13-masala.
Tez yordam mashinasida 45-yoshli bemor D. kasalxonaga keltirilgan. Kuchli 
havo yetishmasligidan shikoyat qilgan. 
Bir necha yildan beri surunkali bronxit kasalligi bilan og‘riydi (yo‘taladi, ozgina harakat 
kilsa xansirab koladi). 
Oxirgi ikki hafta davomida hansirash kuchaygan, ko‘krak qafasining o‘ng tomonida 
og‘riq paydo bo‘lgan. Obyektiv tekshirilganda nafas olishi minutiga 32 marotabaga yetgan, 
lablari ko‘kargan. Yurak urishi minutiga 100 marta. Perkussiyada ko‘krak qafasining o‘ng 
tomonida bo‘g‘iq tovush eshitilgan va o‘sha joyda nafas olish keskin pasaygan. Jigarning pastki 
qirg‘og‘i qovurg‘a yoyidan 3 sm pastda. Rentgenda tekshirilganda III qovurg‘agacha suyuqlik 
borligi aniqlangan. EQG da sinusli taxikardiya alomatlari bor. 
1. Qanday tashxis qo‘yilsa to‘g‘ri bo‘ladi? 
a) plevra mezateliomasi; 
b) o‘pka raki; 
v) yurak yetishmovchiligi natijasida plevra bo‘shlig‘iga suyuqlik yig‘ilgan; 
g) jigar sirrozidagi plevra varaqalari reaksiyasi; 
d) o‘ng o‘pkaning pastki pnevmoniyasi va uning natijasida hosil bo‘lgan 
ekssudatli plevrit. 
2. Birinchi navbatda qanday davolash choralarini kerish kerak? 
14-masala.
Kardiologiya bo‘limida yotgan 60 yoshli bemor G. asoratsiz miokard 
infarktidan davolanayotgan edi, kasallikning ikkinchi haftasida chap ko‘kragida og‘riq paydo 
bo‘lib, nafas olganda og‘riq kuchaygan, isitmasi 37,6°S ga ko‘tarilgan. Pnevmoniyaga gumon 
qilinib penitsillin tayinlangan. Lekin davolanishiga qaramasdan isitmasi 38,2°S ga ko‘tarilib, 
ko‘kragidagi og‘riq kuchaygan, mayda bo‘g‘imlarida xam og‘riq paydo bo‘lgan. Auskultatsiyada 
perikardning kuchsiz ishqalanish tovushi eshitilgan. Nafas shovkini susayib, plevraning 
ishkalanish shovqini kuchaygan. 
Jigari va talog‘i kattalashmagan. Yurak qisqarishlari soni minutiga 92 martacha, A/B—
130/80 mm ga teng. Rentgenologik tekshirilganda plevra bo‘shlig‘ida ozroq suyuqlik borligi 
aniqlangan. Qonda leykotsitlar 12X109 l, eozinofillar — 18 ga teng. 
1. Qanday tashxis qo‘yilsa to‘g‘ri bo‘ladi? 
a) o‘tkir miokard infarktning qaytalanishi;
b) infarktdan keyingi asoratlar (Dresler sindromi); 
v) bakterial endokardit; 
g) o‘tkir pnevmoniya; 
d) penitsillinga allergik reaksiya. 
2. Bu kasallikda davolash usuli qanday bo‘lishi kerak?