M. A. Xujamberdiyev

68-masala.
70 yoshli bemor R. oxirgi oylarda ichi o‘tayotganidan, ba’zan bir necha 
kunlab ichi kelmayotganligidan shikoyat kiladi. Bir marta najasida qon borligi aniqlangan. 
Qornida kuchli og‘riq bo‘lganligi uchun «ichak tutiliish» kasalligiga gumon qilinib klinikaga 
keltirilgan. Jarroh ko‘rib «ichak tutilishi» yo‘qligini aytgan. Boshqa ichki a’zolarida kasallik 
topilmagan. 
Qon analizida rang ko‘rsatkichi — 0,7%, ECHT—40 mm/soat. 
Rektoromanoskopiyada ichki va tashqi bavosil kasalligi borligi aniqlangan. 
1. Qanday kasallik haqida o‘ylash mumkin? 
2. Bemorni qanday davolash kerak? 
a) kuzatish kerak; 
b) antibiotik berish lozim; 
v) temir preparatlari berish kerak; 
g) kolonoskopiya va biopsiya qilish kerak; 
d) laparotomiya qilish kerak. 
69-masala.
30 yoshli bemorni bir necha yildan beri ichi ketadi va qornida og‘riq bo‘ladi. 
Bir necha marta tekshirilib surunkali enterokolit tashxisi qo‘yilgan. Keyingi kunlarda ich ketishi 
tezlashgan, yuragi ham tez uradi, vaqti-vaqti bilan isitmasi 37,8°S gacha ko‘tariladi. Obyektiv 
ko‘rilganda juda ham ozib ketgan, terisi quruq, oqish, oyoqlarida shish bor. Yuragi minutiga 88 
marta uradi, ekstrasistoliyasi bor. Qon analizi: Nb—92 g/l, umumiy oqsil miqdori — 5 g/l, kaliy 
3 mek/l. 

---

1. Bu bemorda qaysi kasallik belgilari ustun turadi? 
2. Qaysi davolash usuli to‘g‘ri hisoblanadi? 
a) antibiotiklar berish kerak; 
b) kaliyli dorilardan berish zarur; 
v) qon zardobi quyish kerak; 
g) gipertonik eritma quyish lozim; 
d) venasiga immunoglobin quyish lozim. 
 
«O‘TKIR QORIN» SINDROMINI DIFFERENSIATSIYA QILISH
 
70-masala. 
31 yoshli bemor kechasi qornida kuchli-og‘riq bo‘lganligi uchun ikki soat 
oldin uyg‘onib ketgan va ko‘p profilli kasalxonaga keltirilgan. Utgan vaqt nchida qayt qilish, ich 
ketish belgilari bo‘lmagan. Qorin paypaslab ko‘rilganda taxtasimon bo‘lib, yuqori qismida og‘riq 
sezgan (shuning uchun jigarni paypaslab bo‘lmagan). Uch yil oldin bemorga 12 barmoq ichaq 
yara kasalligi bor deb tashxis qo‘yilgan. Oxirgi haftada bemorni oz-oz og‘riq (kechasi 
kuchayuvchi) bezovta qilgan. Tartibsiz ravishda davolangan. Vrach yara teshilgan, deydi. 
1. Qanday tekshirish usuli tashxisni tasdiqlaydi? 
a) bemorning qornini tik turgan holda rentgenoskopiya qilish kerak; 
b) bariy ichirib hazm a’zolarini rentgenoskopiya qilish kerak; 
g) qondagi leykotsitlar sonini aniqlash lozim; 
d) qondagi gemoglobin miqdorini aniqlash zarur; 
ye) gastroskopiya qilish lozim. 
2. Agar tashxis tasdiqlansa, bemorni qanday davolash kerak?