M. A. Raxmatullayev, B. I. Ganiyeva

4.Barcha chop etiladigan materiallar ilmiy taqrizdan (peer 
review) o‘tkazilishi lozim. 
Minimum ikkita shu soha bo‘yicha 
mutaxassis, ishlarning mualliflari bilan qiziqishlar to‘qnashuvi 
bo‘lmagan, taqrizchilarni jalb etish tavsiya etiladi. Taqrizchilar xulosasi 
asosida tahririyat taqdim etilgan materiallarni chop etish yoki rad etish 
qarorini qabul qiladi. Taqrizlash tartibi, muddatlar hamda nashrlarni 
qayta ishlashga ketadigan muddatlari mualliflar uchun qoidalarda va 
jurnal vebsaytida ko‘rsatilgan bo‘lishi lozim. 
5.Tahririyat maqolalarni sifatiga alohida e’tibor qaratib, turli 
mamlakatlar, muassasalar mutaxassislarini maqolalar chop etishga 
taklif qilish lozim. 
Mualliflar geografiyasining kengligi jurnalning 
muvaffaqiyatli ekanini xarakterlashda va baholashda muhim o‘rin tutib, 
uning xalqaro ma’lumotlar bazasida indekslashga tanlanishida alohida 
baholanadi.
1.Jurnal vebsaytga ega bo‘lishi kerak. 
Unda jurnalning 
tematikasi, davriyligi, tahririyat a’zolari, mualliflar uchun qoidalar, 

---

163 
mualliflarning chop etilgan yoki chop etilgan materialning qismidan 
keyingi foydalanish borasidagi huquqiy aspektlar aks etishi lozim. 
Shuningdek, vebsaytda bog‘lanish uchun ma’lumotlar, jurnal chop 
etiladigan nashriyot yoki tashkilotning yuridik manzillari ko‘rsatilishi 
lozim.
2.Vebsaytda jurnalning sonlari arxivi
 
bo‘lishi, o‘z vaqtida 
jurnalning eng so‘nggi chop etilgan sonlarini qo‘shish lozim. Nashr 
arxivi yillar bo‘yicha, tomlari va sonlari bo‘yicha joylashtirilishi tavsiya 
etiladi. PDF yoki HTML formatda maqolalarning to‘liq matnini ko‘rish 
imkoniyati bo‘lishi lozim. To‘liq matndan foydalanish ochiq (open 
access) hamda yopiq (pullik) bo‘lishi mumkin.
3.Har bir maqola uchun ingliz tilida to‘liq bibliografik axborot 
bo‘lishi, jumladan, maqola nomi, mualliflar ro‘yxati, ish joyi, to‘liq 
annotatsiya va kalit so‘zlar bo‘lishi lozim. Shuningdek, maqoladagi 
adabiyotlar ro‘yxatining lotindagi transkripsiyasi agar manba ingliz 
tilida bo‘lmasa, tarjima o‘rniga transliteratsiya qo‘llaniladi.