М а р к е т и н г асосий маркетинг тушунчалари ва замонавий сўзларининг қисқача изоҳли луғати

ҚИММАТ ҲАҚИДА
Замонавий маркетингнинг иши – истеъмолчи учун қиммат яратиш, уни истеъмолчига бериш ва у ҳақида ахборот йиғишдир. Қимматнинг ўзи нима? Қиммат бу энг аввало сифат, хизмат кўрсатишнинг ва мақсадли бозор учун нархларнинг тўғри комбинациясидир. Қиммат бу истеъмолчиларнинг товарни мумкин бўлган минимал қимматда сотиб олиш, эгалик қилиш ва фойдаланиш талабини қондиришдир. Бугунги кунда илғор компаниялар рақобатчиларга нисбатан яхши қимматга эга бўлган таклифларни ишлаб чиқувчи ва қимматнинг яхши тизимини таклиф этувчилардир. Қимматни таклиф этиш компаниянинг битта атрибут бўйича позициялаштиришидан ҳам каттадир. McDonald’s компанияси дастлабки пайтда тез овқатланиш бизнесида, сўнгра тез хизмат кўрсатиш ва ҳозирги кунда қиммат бизнесида ишлаяпмиз, деб таъкидламоқдалар. Қиммат охир-оқибатда истеъмолчининг товар ёки хизматни қабул қилишига боғлиқдир, яъни у субъективдир. Кучли компаниялар нафақат сотиб олинадиган қимматни, балки фойдаланиш қимматини ҳам таклиф қилмоқдалар.
ТАЪМИНОТЧИЛАР ҲАҚИДА
Маркетологларнинг қизиқиш соҳасига дистрибьюторлар ва дилерлар кирганидек, таъминотчилар ҳам албатта кириши керак. Бунинг учун бир қанча сабаблар бор. Биринчидан, таъминотчилардан сотиб олинган материаллар, уларга қўйилган талабларга жавоб бериши ва ишлаб чиқарилган якуний маҳсулотнинг сифат даражасини таъминлашга корхона томонидан ишонч бўлиши зарур. Иккинчидан, таъминотчиларнинг ишончсизлиги ишлаб чиқаришнинг ўз вақтида бажарилмаслиги ва оқибатда, мижозга маҳсулотни ўз вақтида етказиб берилмаслигига олиб келади. Учинчидан, яхши таъминотчилар корхонани нафақат материаллар билан, балки маҳсулот қимматини ошириш бўйича ғоялар билан ҳам таъминлайдилар. Корхона энг яхши таъминотчиларни қидириб, уларнинг ишларини ўзларининг сотиб олиш харажатларини камайтириш қобилияти билан баҳолайдилар. Лекин таъминотчиларни танлашда компромиссга ҳам бориш керак. Бугунги кунда кўпгина корхоналар таъминотчилар сонини камайтирмоқда. Чунки, битта яхши таъминотчи учта ўртача таъминотчидан яхшидир. Корхоналар яхши таъминотчига ўз маҳсулотини истеъмолчига етказиб берувчи ҳамкори сифатида қарамоқдалар. Агар сиз таъминотчи бўлсангиз, талабчан харидорнинг талабидан миннатдор бўлишингиз керак. Чунки, таъминотчи талабчан харидорнинг стандартларини бажарса, у талабчан бўлмаган мижозларнинг буюртмасини енгилроқ қондиради.