Луғат. Тузувчилар: Абулқосимов Ҳ. П., Абулқосимов М.Ҳ

А 
 Абсолют (мутлақ) афзаллик принципи - 
А. Смит 
томонидан 
илгари 
сурилган 
ғоя 
бўлиб, 
савдо 
муносабатларидаги мутлақ афзалликни англатади (товарларни 
ишлаб чиқаришда сарф-харажатларнинг устунлиги ҳал 
қилувчи ҳисобланади).
 
Абсолют рента
– қишлоқ хўжалигида ерга бўлган хусусий 
мулкчилик монополияси натижасида вужудга келиб, ҳамма 
турдаги: яхши, ўртача ва ёмoн ерлардан олинадиган рента. 
Аваль
– алоҳида кафолат ёзувига эга бўлган кўринишдаги 
векселли талабнома.Талабномани берган шахс (авалчи) ушбу 
талабнома (вексель) бўйича ҳар қандай мажбуриятнинг 
бажарилишига масъул шахслар (акцептант, вексель берувчи, 
индоссантлар) вексель эгаси олдида масъулиятни ўз бўйнига 
олади. Аваль векселнинг ҳамма суммасига ёки унинг бир 
қисмига қабул қилиниши мумкин. Вексель бўйича асосий 
қарздор масъулияти тўхтаганида авалчи ҳам масъулиятдан 
озод бўлади. А. векселнинг олд томонига ёки қўшимча 
варақда, яъни алонжда оддий имзо чекиш йўли билан амалга 
оширилади. Аваль векселнинг ишончлилигини оширади ва бу 
билан векселнинг муомалада бўлишига ёрдам беради. 
Аванс 
– корхонанинг бажариладиган иш, ўтказиладиган 
мол-мулк, кўрсатилган хизматлар ва бошқалар учун 
тўланиладиган тўловлар ҳисобига берадиган ёки пул ўтказиш 
йўли амалга ошириладиган дастлабки пул суммаси ёки бошқа 
мулкий қиймат. Аванс кредит шартларида кўрсатиб 
берилганда мажбурий бўлиб, у шартнома (контракт)да 
келишилган сумманинг 10-40 фоизини ташкил этади. 100 фоиз 
аванс тўлаш камдан-кам қўлланилади. Мажбуриятлар 
бажарилмай қолган тақдирда Аванс қайтарилиб берилиши 
керак. Йирик шартномалар тузилганда Аванс банк кафолати 
билан таъминланади. Аванс бай пулидан фарқли ўлароқ 
мажбуриятни бажаришни таъминлаш усули ҳисобланади.