Луғат. Тузувчилар: Абулқосимов Ҳ. П., Абулқосимов М.Ҳ

Атом энергияси бўйича халқаро агентлик (МАГАТЭ) -
БМТ билан ҳамкорлик қилувчи ихтисослаштирилган 
ҳукуматлараро ташкилот бўлиб, 1957йилда БМТ Бош 
ассамблеяси қарорига асосан атом энергиясидан тинчлик 
йўлида фойдаланиш соҳасида халқаро ҳамкорликни йўлга 
қўйиш мақсадида ташкил қилинган. Унга 150 га яқин 
мамлакатлар 
аъзо, 
қароргоҳи 
Венада 
жойлашган. 
Агентликнинг бош вазифаси - ядро қуролини тарқатмаслик 
шартномасининг (1968й.) бажарилишини назорат қилиш 
ҳисобланади. Фаолиятининг асосий йўналишлари ядро 
энергетикаси соҳасидаги тадқиқот ишларини ташкил этиш ва 
мувофиқлаштириш, радиацион ҳавфсизлик муаммолари, атом 
энергиясидан тинчлик йўлида фойдаланиш соҳасида 
Агентликка аъзо мамлакатларга техник ёрдам кўрсатиш, атом 
энергиясидан тинчлик йўлида фойдаланишни назорат қилиш, 
атом ҳавф-хатарига боғлиқ бўлган муаммолар фаолиятини 
қатъий тартибга солишдан иборат. 
Аудит-
хўжалик фаолиятини текшириш, тафтиш ва таҳлил 
қилиш.
 
Аудитор
(шахс, фирма) – корхона ва ташкилотларнинг 
молиявий хўжалик фаолиятини текшириб берувчи, улар 
ишининг иқтисодий экспертизасини ўтказувчи (шахс, фирма). 
А. тўла мустақилликка эга бўлиб, ҳеч кимга қарам эмас, ўз 
ишини ҳар бир мамлакатда ёки халқаро миқёсда қабул 
қилинган ҳисоб-китоб ва тафтиш (ревизия) қоидаларига 
биноан олиб боради. Тафтиш натижалари бошқалар учун сир 
сақланиб, эълон этилмайди. 
Аудитор фирмалар
– корхона, фирма, компаниялар 
молиявий хўжалик фаолиятини текшириб борувчи, улар 
ҳисоботини экспертизадан ўтказувчи идора. Улар одатда 
акционер жамият ёки кооператив шаклда фаолият кўрсатади 
ва тўлиқ мустақилликка эга бўлади. Аудитор фирмалар ўз 
ишини ҳар бир мамлакатда ёки халқаро миқёсда қабул 
қилинган ҳисоб-китоб ва тафтиш қоидаларига биноан олиб 
боради. 

---

- 24 - 
Аукцион
– алоҳида хусусиятларга эга бўлган товарларни 
сотиш учун муайян жойларда ташкил қилинган махсус ким 
ошди савдо муассасаси. Аукционда савдо товарларнинг 
нисбатан чекланган рўйхати бўйича, оммавий сотувга қўйиш 
йўли билан ўтказилади. Аукцион эълон қилинган вақтда ва 
маълум даврда ўтказилади. Бунда товарларнинг бозорга келиб 
тушиш мавсуми ва ҳажми ҳисобга олинади. Аукцион 
савдосида намуна товарлар рўйхатда кўрсатилган тартибда 
савдога қўйилади, харидорлар орасида энг юқори нархни 
таклиф қилган киши товарни сотиб олади. 
Аутрайт
– оддий муддатли валюта битими бўлиб, битим 
тузувчи томонлар қатъий белгиланган муддатларда “Форвард” 
курси бўйича тўловларни кўзда тутади. 
Аутсайдерлар
– 1) бозорда кам аҳамиятли ўринни 
эгалловчи фирма ва компаниялар; 2) халқаро кемасозликда 
бозорда мунтазам конференциялар доирасида фаолият 
кўрсатадиган кемасозлик корхоналари ва улар билан рақобат 
қилувчилар.