Loyihalash uchun dastlabki ma'lumotlar loyiha ishlarining tarkibi xulosa

LOYIHA ISHLARINING TARKIBI
Har qaysi sanab o'tilgan bosqichlardagi loyihalash ishlari avvalombor kon sxemasi va tizimini tanlab ochishdan boshlanadi. Qatlamlari o'tkazuvchan bo'lgan konlarni ochish sxemalari quyidagi bosqichlardan tashkil topadi: texnologik skvajinalar joylashish sxemasi, ularning bir-birlariga ulash ketma- ketligi, ularning ish rejimi va ishlab bo'lgan konning qismlarini tugatish ishlari. Tanlab olingan sxemadan kelib chiqib, qazib olish va qayta ishlash komleks ishlanmalari, eritmani transportirovka qilish tizimi va YOTEO’ korxonasining boshqa qismlarini asoslash asosiy geotexnologik ko'rsatkichlar hisoblashdan kelib chiqadi. Bularning natijasida ishchilar soni, materiallar, energiya, uskuna hamda mashina va mexanizmlarga bo'lgan talab aniqlanadi. Oxirda esa iqtisodiy hisoblash ishlari, qazib olish tizimini asoslash, konni va konning ba'zi qismlari qurilishini asoslash ishlari amalga oshiriladi. YOTEO’ usulini loyihalashdagi o'ziga xosliklaridan biri bu ochish usuli va asosiy geotexnologik ko'rsatkichlar bilan bog'liqligidir. Ochish tizimini tanlashda birinchi bajariladigan ishlardan biri bu texnologik skvajinalar joylashish sxemasini tanlashdir. Bu tizimni tanlash ishning eng kerakli vazifasi bo'lishiga qaramasdan texnologik skvajinalarni tanlashning yaxshi usuli hali topilmagan. Texnologik skvajinalar joylashish tizimini bajarish ishlari 2 bosqichga bo'linadi. Birinchi bosqichda texnologik skvajinalar joylashtirishning bir necha variantlari ishlab chiqiladi va u bir muncha ishlash talablariga va tabiiy sharoitga mos keladi va ular yordamida asosiy geotexnologik ko'rsatkichlari hisoblanadi. Va bu variantlardan kelib chiqib 2-3 variantlarni tanlab eng talabga muvofiqi olinadi (ularga misollar 11.2 chizmalarda ko'rsatib o'tilgan) va ular asosida yanada yaxshiroq hisob-kitob ishlari olib boriladi. Asosiy geotexnologik ko'rsatkichlarga, mahsuldor eritma tarkibidagi metall konsentratsiyasi, texnologik skvajinalarning umumiy debiti, so'ruvchi texnologik skvajinalar debiti, bir vaqtda ishlovchi texnologik skvajinalar, erituvchi va oksidlovchining konsentratsiyasi va sarfi, ishchi texnologik skvajinalarning ko'tarilib tushish balandliklari. Yaqinlashtirilgan hisoblash ishlari quyida ko'rsatilgan. Metallning eritmalardagi konsentratsiyasi, to‘g‘rirog‘i ularning butun ishlatilish vaqtidagi umumiy metallning o'rtacha qiymati bu formula bo'yicha hisoblanadi:
C_cr = EPd/fMyF (1)
Bu yerda P-konning umumiy metall zahirasi; E- ajratib olish koeffitsienti; d- mahsuldor eritma zichligi; f■ erituvchi eritmaning qazib olinayotgan metallga nisbati, shunga to'g'ri keluvchi ajratib olish koeffitsienti va eritmaning optimal filtrlanish tezligi (u tanlab eritish tezlanishining eritma bosib o'tgan yo‘l va filtrlanishshi nisbati orqali topiladi); M- suv qatlamlarining o'rtacha qalinligi, tanlab eritshiga qarab moslanadi; F-ajratib olish maydoni; y — rudaning hajmiy massasi.
So'ruvchi texnologik skvajinalarning ish vaqtidagi umumiy debit formulasi
Qe=Me/CcrT (11.2)
Bu yerda Me- loyiha bo'yicha konning yillik metall ishlab chiqarish miqdori; T- hisoblangan yillik ishchi kunlar soni.
Shuni aytib o'tish kerakki, bu sarf (11.2) topilishi bilan birgalikda, o‘z ichiga mahsuldor va mahsuldor bo'lmagan eritmalar bilan bog'liq bo'lib,
birinchi tanlab eritish bosqichi uchundir. Uchastkani eritishga tayyorlash bosqichi quyidagi formula yordamida topiladi.
Q=Mbv, (11.3)
Bu yerda b- so'ruvchi texnologik skvajina tomon harakatlanayotgan eritma oqimining o'rtacha kengligi (gidrodinamik to'rning oqim chizig'i va bosimi bo'yicha topiladi); v- eritma filtratsiyasining optimal tezligi (metallninng konsentratsiyasi va ajratib olishning filtrlanish masofasi va tezligi bog'liqlik qonuniyati orqali topiladi). Bir vaqtda ishlaydigan texnologik skvajinalar soni:
N=Qe/q (11.4)
Bir vaqtning o'zida ishlab turgan konning maydonini topadi. Shu ishlab turgan maydonlar bo'yicha va ularning ishlash vaqti bo'yicha konning kalendar reja qazib olish ishlari topib olinadi.
Bitta texnologik skvajina bilan ajratib olinadigan konga ketgan vaqt quyidagi formula bilan topiladi.