Loyihalarni moliyalashtirish

tahlili 

 

2.1. Asosiy kapitalga qo’yilgan investitsiyalarni moliyalashtirish 

manbalari tahlili 

 

Investitsiyalarni  milliy  iqtisodiyotga  keng  miqyosda  jalb  etish  o’tish  davrining 

strategik va joriy vazifalarini hal etish zaruriyati bilan bog’liq. Ushbu vazifalar ichida 

eng muhimlari – iqtisodiyotda tarkibiy o’zgarishlarni amalga oshirish, mamlakatning 

eksport  salohiyatini  mustahkamlash,  yuqori  texnologik  raqobatbardosh  tarmoqlarni 

yaratish,  ilg’or  xorij  texnologiyasi,  nou-xau  va  boshqaruv  tajribalarini  jalb  etish 

hisoblanadi.  Shuni  mamnuniyat  bilan  qayd  etish  joizki,  milliy  iqtisodiyotimizga 

xorijiy  investitsiyalarni  jalb  qilish  sur’ati  yildan-yilga  oshib  bormoqda.  Xususan, 

2010  yilda  milliy  iqtisodiyotimizga  barcha  manbalar  hisobiga  jalb  qilingan 

investitsiyalar 2002 yilga nisbatan qariyib 7 martaga oshib, bu ko’rsatkich 9,7 mlrd. 

dollarni  tashkil  etgan.  Albatta,  investitsiyalarning  hajmi  ortib  borishi  mamlakatda 

yaratilayotgan  YaIMning  oshishiga  olib  keladi,  xususan  O’zbekistonda  2010  yilda 

yaratilgan  YaIM  34,8  mlrd.  dollarni  tashkil  etib,  bu  ko’rsatkich  2009  yilga  nisbatan 

8,5 foizga oshgan (1-jadval).