Loyiha uchun texnik-iqtisodiy asoslar va texnik-iqtisodiy hisob-kitoblarning (tia/tihk) namunaviy tuzilishi

Loyiha uchun texnik-iqtisodiy asoslar va texnik-iqtisodiy hisob-kitoblarning (TIA/TIHK)

NAMUNAVIY TUZILISHI

Loyiha TIA/TIHK mundarijasi:

1. Loyihaning qisqacha mazmuni;

2. Kirish;

3. Marketing bo‘limi;

4. Texnik-texnologik bo‘lim;

5. Ekologik bo‘lim;

6. Institutsional bo‘lim;

7. Arxitektura-qurilish bo‘limi;

8. Moliya bo‘limi;

9. Iqtisodiy bo‘lim;

10. Ijtimoiy bo‘lim;

11. Loyiha bo‘yicha umumiy xulosalar;

12. Ilovalar.

Loyihaning qisqacha mazmunida quyidagilar keltirilishi lozim:

loyihaning nomlanishi;

tashabbuskor nomlanishi;

loyihaning hisob-kitob qilingan umumiy qiymati (AQSh dollarida yoki AQSh dollari ekvivalentida);

loyiha ko‘lami, shu jumladan, uning quvvati;

loyihaning tarkibiy qismlari — har birining narxlari ko‘rsatilgan holda;

loyiha amalga oshiriladigan joy (viloyat, shahar);

loyihaning maqsadi va vazifalari, shu jumladan miqdoriy ifodalangan shaklda;

asosiy foyda ko‘ruvchilar aks ettirilgan holda, maqsadli guruhlar;

moliyalashtirish manbalari va sxemalari;

moliyalashtirish yillar kesimida ko‘rsatilgan holda loyihani amalga oshirish davri.

Kirishda loyiha amalga oshirilayotgan joydagi mavjud siyosiy, ijtimoiy-iqtisodiy, tabiiy-iqlim, huquqiy va boshqa shart-sharoitlar tavsiflanadi, shu jumladan, ko‘rsatkichlar, infratuzilma bilan ta’minlanganligi, investitsiya iqlimi va ko‘zda tutilayotgan joyni tavsiflovchi boshqa ijtimoiy-iqtisodiy ko‘rsatkichlar va loyihaning ta’sir doirasi aks ettiriladi. Ushbu bo‘limda loyihadan ko‘zlangan maqsadning Tarmoqni rivojlantirish konsepsiyasiga muvofiqligini asoslantirish zarur, shuningdek, loyihadan ko‘zlangan maqsadga erishishning barcha yo‘llari ko‘rsatilishi va loyihaning keyingi bo‘limlarida ularning har biri bo‘yicha qiyosiy tahlil o‘tkazilishi talab etiladi.

Marketing bo‘limida loyihada ko‘zda tutilayotgan mahsulot (xizmat)ga bo‘lgan mavjud va istiqboldagi (loyihaning yashash davri mobaynida) talabga baho beriladi.

Ushbu bo‘limda quyidagilar aks ettirilishi lozim:

mahsulot (xizmat)ning bozordagi, shu jumladan eksport hajmlari va narxlari tahlilini hisobga olgan holda talab tahlili (uning tendensiyalari);

talabning miqdor ko‘rsatkichlarini baholash va asoslantirish, uning tendensiyalari va mahsulot (xizmat) narxlari yoki ijtimoiy xizmatlarga ehtiyojni baholashni o‘zida aks ettiruvchi loyihadan ko‘zlangan ijtimoiy-iqtisodiy foyda tahlili;

xomashyo, materiallar va loyihaning ishlashi bilan bog‘liq boshqa ishlab chiqarish omillari tahlili;

loyihani amalga oshirish doirasida xarid qilinadigan tovarlar, ishlar va xizmatlar bozorlari va narxlari tahlili. Bu ishlab chiqaruvchilar va yetkazib beruvchilar, ularning yetkazib berish narxlari, sifati va shartlari, shuningdek, loyiha ehtiyojlarini qondirish imkoniyatlarini qiyosiy tahlil qilishni nazarda tutadi;

ushbu sohadagi mavjud obyektlar ishini tahlil qilish, shu jumladan raqobatchilarni tahlil qilish;

mahsulot (xizmatlar)ni sotishga ko‘maklashish bo‘yicha tavsiya etiladigan tadbirlar;

loyihaning hudud infratuzilmasiga va tarmoq (turdosh tarmoqlar) rivojiga ta’sirini baholash;

tijorat xavf-xatarlari, xatarlarning asosiy belgilovchi omillari, o‘zgarishlarning taxminiy xususiyatlari va ko‘lami, xatarlarni kamaytirish bo‘yicha ko‘zda tutilgan tadbirlar;

kamida 3 ta kompaniyaning tijorat takliflari (prays-varaqlar va boshqalar) asosida xarid qilinayotgan uskunalar narxini asoslantirish;

loyihaning muhandislik inshootlari bilan ta’minlanganlik darajasi, ya’ni mavjud transport yo‘laklari va vositalari, energiya, issiqlik, suv va oqova tarmoqlari ta’minoti, omborxonalar;

marketing tadqiqotlarida foydalanilgan axborot manbalari va ularni o‘tkazish metodikasi.