Loyiha toshkent davlat yuridik universiteti

Koloniya  va  turmalarda  jazoni  o’tashning  tartibi  va  shartlari 
Jinoyat kodeksi va Jinoyat-ijroiya kodeksida belgilangan. Shuningdek, 2012-
yil  29-dekabrda  O’zbekiston  Respublikasi  Ichki  ishlar  vazirining  174-sonli 
buyrug’i bilan tasdiqlangan “O’zbekiston Respublikasi Ichki ishlar vazirligi 
ozodlikdan  mahrum  qilish  jazosini  ijro  etish  muassasalarining  ichki  tartib 
qoidalari”  [O’zbekiston  Respublikasi  ichki  ishlar  vazirining  2012-yil  29-
dekabrdagi  174-son  buyrug’i  bilan  tasdiqlangan  O’zbekiston  Respublikasi 
Ichki  ishlar  vazirligi  ozodlikdan  mahrum  qilish  turidagi  jazoni  ijro  etish 
muassasalarining  ichki  tartib  qoidalari  (O’zbekiston  Respublikasi  Adliya 
vazirligi tomonidan 2013-yil 29-iyulda ro’yxatdan o’tkazildi, ro’yxat raqami 
2495  //  www.lex.uz]  da  koloniya  va  turmalardagi  jazoni  o’tashning  tartib-
qoidalarni o’zida aks ettirgan. 
 
Jinoyat  kodeksining  50-moddasi  va  Jinoyat-ijroiya  kodeksining  45-
moddasida  jazoni  ijro  etish  koloniyalarining  4  xil  turi  ko’rsatilgan  bo’lib, 
ular: 
- manzil-koloniyalari; 
- umumiy tartibli koloniyalar; 
- qattiq tartibli koloniyalar;  

---

82 
 
- maxsus tartibli koloniyalar. 
 
Jazoni  ijro  etish  muassasalarining  aniq  turlarga  ajratilishi,  ya’ni 
Jinoyat-ijroiya  kodeksining  45-moddasida  mustahkamlangan  turlarga 
bo’linishi quyidagi tamoyillarni o’zida aks ettiradi:  
1) demografik (mahkumning yoshi, jinsi); 
2)jinoiy-huquqiy (sodir etilgan jinoyatlarning og’irligi);  
3) tibbiy (mahkum sog’lig’ining ahvoli); 
4)  mahkumning  tuzalishi  (mahkumning  jazoni  o’tash  jarayonida 
axloqan tuzalishi).  
Shu  bilan  birga,  mahkumlarning  ijtimoiy  xavfliligi,  sodir  etgan 
jinoyatlarning  og’irligi  va  tayinlangan  og’ir  jazoni  hisobga  olib,  ular 
jazoning  muayyan  qismini  turmada  o’tkazishlari  qonunda  nazarda  tutilgan. 
Yuqoridagilarga asoslangan holda, ozodlikdan mahrum qilish jazosini o’tash 
joylarini shartli ravishda 3 turga ajratish mumkin: 
1.  Jazoni ijro etish koloniyalari. 
2.  Turmalar. 
3.  Tarbiya koloniyalari.  
Mahkumlarni  tasniflash  nafaqat  ularning  jinsi,  balki  psixologik  holati, 
dunyoqarashi,  ma’lumoti,  shuningdek  boshqa  holatga  ko’ra  amalga 
oshiriladi.  Bunday  tasniflashda  mahkumning  sodir  etgan  jinoyatining 
ijtimoiy  xavflilik  darajasi,  uning  shaxsi,  ilgari  ham  jinoyat  sodir  etganligi, 
ayb  shakli  kabilarga  qarab  mahkumlar  bir-biridan  ajratilgan  holda 
saqlanadilar. 
Bu  choralar  jazoni  ijro  etishdan  ko’zlagan  maqsadga  erishish  uchun 
mahkumning  o’ziga  xos  shaxsiy  xususiyatlarini  e’tiborga  olib,  uning 
tuzalishi uchun ta’sir vositalaridan foydalanishni nazarda tutadi. 
 

---

83