Loyiha toshkent davlat yuridik universiteti

Umumiy,  qattiq  va  maxsus  tartibli  koloniyalarning  kartserlariga 
kiritib  qo’yilgan  mahkumlarga  eng  zarur  narsalar,  tamaki  mahsulotlari  va 
gugurt  olib  kirishga,  shuningdek  o’zlarining  yonida  darsliklar,  oddiy 
qalamlar,  qora,  ko’k,  binafsha  rangli  ruchka  va  sterjenlar,  daftarlar,  pochta 
markalari,  otkritkalar,  konvertlar  bo’lishiga  ruxsat  etiladi.  Ular  belgilangan 
tartibda  kutubxona  va  undagi  kitob,  jurnal  va  gazetalardan  foydalanishi 
mumkin. 
Mahkumlarni intizomiy bo’linmaga kiritib qo’yish va o’tkazish JIEM 
boshlig’ining  jazo  muddati  ko’rsatilgan  qarori  asosida  hamda  tibbiy 
ruxsatnoma bo’lgan taqdirda amalga oshiriladi.  
Mahkumni  intizomiy  bo’linmaga  kiritib  qo’yish  to’g’risidagi  qaror 
qabul  qilishdan  oldin  rejim  buzilishi  bilan  bog’liq  barcha  holatlar  batafsil 
o’rganilishi shart. 
Mahkum intizomiy bo’linmaga kiritib qo’yish to’g’risidagi qaror bilan 
unga imzo qo’ydirish orqali tanishtiriladi, mahkum imzo qo’yishdan bo’yin 
tovlagan taqdirda, bu haqda dalolatnoma tuziladi. 
Mahkum  tezkor  navbatchi  rahbarligida  intizomiy  bo’linma  bo’yicha 
nazoratchilar tomonidan intizomiy bo’linmaga qabul qilinadi. 
Intizomiy bo’linmada saqlash muddati tugagandan so’ng, mazkur qaror 
mahkumning shaxsiy hujjatlar yig’majildiga qo’shib qo’yiladi. 
Mahkumlar 
intizomiy 
bo’linmalardan 
davolash-profilaktika 
muassasalariga 
o’tkazilgan 
taqdirda 
ular 
davolash-profilaktika 
muassasalarida bo’lgan vaqt jazoni o’tash muddatiga qo’shib hisoblanadi.