Loyiha toshkent davlat yuridik universiteti

Muassasa  rahbarining  ruxsatnomasi  albatta,  prokuror  tomonidan 
tasdiqlanishi  shart.  Bundan  so’ng  mahkumga  davlat  gerbi  tushirilgan  muhr 
bosilgan  belgilangan  shakldagi  ruxsatnoma  beriladi.  Mahkum  tartib  qoida 
bilan  tanishtiriladi,  uni  jazoni  o’tashdan  bo’yin  tovlaganligi  uchun  jinoiy 
javobgarlikka  tortilishi  haqida  ogohlantiriladi  va  imzo  bilan  tilxat  olinadi. 
Mahkum jo’nab ketayotgan hududdagi ichki ishlar organlariga ularni telegraf 
orqali  ogohlantiriladi.  Mahkumga  muassasa  doirasidan  chetga  chiqish 
vaqtida fuqarolik kiyimi beriladi.  
 
Voyaga  yetmaganlarni  muassasa  hududidan  chetga  chiqishi  muassasa 
xodimlari  kuzatuvi  bilan  amalga  oshiriladi.  Shuningdek  voyaga  yetganlarga 
ham muassasa rahbari tomonidan kuzatuv belgilanishi mumkin.  
 
Muassasa  doirasidan  chetga  chiqish  huquqidan  jazoni  ijro  etish  va 
tarbiya  koloniyasidagilar,  shuningdek,  xo’jalik  ishlarini  bajarish  uchun 
tergov  hibsxonasida  qoldirilganlar  foydalanishi  mumkin.  Bu  huquqdan  o’ta 
xavfli  retsidivistlar,  umrbod  ozodlikdan  mahrum  qilish  jazosiga  hukm 
qilingan  shaxslar,  o’ta  og’ir  jinoyatlari  uchun  hukm  qilingan  shaxslar, 
majburiy  davolanishdan  o’tayotgan  va  yuqumli  kasallikka  chalingan 
mahkumlar  foydalana  olmaydi.[  Jinoyat-ijroiya  huquqi.  Darslik.  Mualliflar 
jamoasi. Mas’ul muharrir: B.J.Axrorov. –T.: O’qituvchi, 2002. – 208 b.] 
 
Muassasa  doirasidan  chetga  chiqish  sutkalar  bilan  hisoblanadi.  Agar 
mahkum  belgilangan  muddatda  jazoni  ijro  etish  muassasasiga  qaytib  kelsa, 
bu  muddat jazo  muddatiga qo’shiladi.[ Jinoyat-ijroiya  kodeksiga sharhlar. / 
M.H.Rustamboev, B.J.Axrarov va boshqalar. / Mas’ul muharrir: yu.f.d., prof. 
M.H.Rustamboev. – T.: TDYI, 2007. – 574 b.]   
Mahkumni chetga chiqish bilan bog’liq harajatlari mahkum tomonidan 
olingan ish haqi, yoki uning ota-onasi yoxud boshqa shaxslar tomonidan uni 
hisobiga  o’tkazilgan  mablag’lar  hisobidan  yoki  boshqa  shaxslar  tomonidan 
to’lanadi.  Mahkumlar  yo’l  uchun  biletlarni  mustaqil  sotib  oladilar.  Zarur 
hollarda  muassasa  ma’muriyati  bunga  ko’mak  beradi.  Muassasa  doirasidan 
chetda bo’lgan vaqtda unga ish haqi yozilmaydi.