Loyiha toshkent davlat yuridik universiteti

Maxsus  tartibli  koloniyalar  quyidagi  xususiyatlarni  hisobga  olgan 
holda jihozlanadi: 
- turar  joy  zonasi  ikki  qismga:  kamera  tipidagi  va  oddiy  turar  joylar 
hududiga bo’linadi; 
- oddiy turar joylar hududida boshqa turdagi koloniyalarda bo’lgan kabi 
xizmat  va  kommunal-maishiy  obyektlar  joylashadi.  Bunda  turar-joylar 
ma’muriy  va  xo’jalik-maishiy  binolardan  batamom  ajratiladi.  Tibbiyot 
bo’limi va statsionar binosi yaxlit devor bilan o’raladi. 
Intizomiy  bo’linma  kamera  tipidagi  xonalar  mavjud  bo’lgan  hududga 
joylashtiriladi,  unda  hibsxona  va  kartserlar  kameralari  bo’lib,  kartser 
kameralari  mahkumlarni  yakka  saqlash  uchun  mo’ljallangan.  Bu  binolar 
yaqinida sayr qilish maydonchalari jihozlanadi.