Loyiha toshkent davlat yuridik universiteti

Unga ko‘ra, FPKning 177-moddasiga asosan, sud quyidagi ikki 

holatda ishni ko‘rishni keyinga qoldiradi:  

-- Fuqarolik protsessual kodeksida nazarda tutilgan hollarda; 

--  muayyan  sud  majlisida  ishni  ko‘rishning  imkoni  bo‘lmagan 

boshqa hollarda.

 

Ishni  ko‘rishni keyinga  qoldirish  FPKning  237-moddasining  uchinchi 

qismiga muvofiq, birinchi instansiya sudi murakkab bo‘lmagan masalalarni 

hal  qilish  bo‘yicha  alohida  xona  (maslahatxona)ga  kirmagan  holda  ajrim 

chiqarishi mumkin. Ushbu holatda, ajrim matni sud majlisi bayonnomasiga 

kiritish yo‘li bilan (alohida xona (maslahatxona)ga kirmasdan) chiqariladi. 

Ajrimlar chiqarilishi bilan darhol e’lon qilinadi. Shuningdek, ish ko‘rishni 

keyinga  qoldirish  to‘g‘risidagi  ajrim  quyidagi  ma’lumotlarni  o‘z  ichiga 

olishi  lozim:  nizo  predmeti  va  ajrim  bilan  hal  qilinayotgan  masalaning 

mohiyati; sudning xulosasiga olib kelgan asoslar va sud qo‘llagan qonunlar; 

sudning hal etilayotgan masala yuzasidan xulosasi. Shunday ekan, bunday 

turkumdagi  ajrimlarda  uning  ustidan  shikoyat  berish  (protest  keltirish) 

tartibi va muddati ko‘rsatilishi nazarda tutilmagan (FPKning 237-moddasi). 

Er-xotinni  yarashtirish  maqsadida  muhlat  belgilash  va  ish  ko‘rilishini 

boshqa vaqtga qoldirish haqidagi ajrim alohida hujjat sifatida chiqariladi. 

 

---