Loyiha titul «Tasdiqlayman»

3. GO‘.2
Yuzni yassi shakllarning xossasi sifatida bilish va yuzni o‘lchash tushunchalarini anglash; “Birlik kvadrat”, deb nomlanadigan uzunligi 1 birlikka teng bo‘lgan tomonga ega bo‘lgan kvadrat “bir kvadrat birlik” deb ataladi va undan yuzni o‘lchash uchun foydalanish mumkinligini anglash. n ta birlik kvadrat bilan bo‘shliq qoldirmasdan va ustma-ust tushmaydigan qilib qoplanadigan yassi shakl yuzi n kvadrat birlikka tengligini anglash; birlik kvadratlar (kvadrat sm, kvadrat metr va boshqa birliklar) yordamida yuzlarni o‘lchash; yuz bilan ko‘paytirish va qo‘shish amallari o‘rtasidagi bog‘liqlikni aniqlash; sonlar bilan ifodalangan tomon uzunliklariga ega to‘g‘ri to‘rtburchakni qismlarga bo‘lish orqali uning yuzini aniqlash hamda uning yuzi tomon uzunliklarining ko‘paytmasiga tengligini ko‘rsatish; hayotiy va matematik masalalarni yechishda sonlar bilan ifodalangan tomon uzunliklariga ega to‘g‘ri to‘rtburchaklarning yuzini topish uchun tomonlar uzunliklarini ko‘paytirish va sonlar ko‘paytmasini matematik asoslashda to‘g‘ri to‘rtburchak yuzi sifatida ifodalash; muayyan holatda sonlar bilan ifodalangan tomonlar uzunliklari a va b+c bo‘lgan to‘g‘ri to‘rtburchak yuzi a × b va a × c ning yig‘indisiga tengligini ko‘rsatish uchun qismlarga ajratish usulidan foydalanish, ko‘paytirish va qo‘shish amallariga nisbatan distributivlik xossasini matematik asoslash va namoyon etish uchun yuz modellaridan foydalanish. yuzning additivligini tushunish. Hayotiy masalalarni yechish uchun ushbu usulni qo‘llab, tegishli shakllarning yuzini ularni ustma-ust tushmaydigan to‘g‘ri to‘rtburchaklarga bo‘lish va ustma-ust tushmaydigan qismlar yuzlarini qo‘shish orqali aniqlash; geometrik o‘lchashlar: perimetrni yassi shakllarni xarakterlovchi kattalik sifatida bilish, hamda uzunlik va yuz o‘lchamlarini farqlash; ko‘pburchaklarning perimetrlari ishtirokidagi hayotiy va matematik masalalarni yechish. Jumladan, tomonlar uzunliklari berilganda perimetrni topish, tomonlarning noma’lum uzunligini topish va bir xil perimetrga va turli yuzlarga ega yoki bir xil yuzga va turli perimetrlarga ega to‘g‘ri to‘rtburchaklarni namoyish etish; berilgan gradusli burchaklarni transportir yordamida o‘lchash, shakllarni burchak simmetriyasi asosida burish; real obektlarni geometrik shakllar modellari bilan bog‘lay olish.
3. GO‘.7	vaqtni eng yaqin daqiqagacha yaxlitlab aytish va yozish hamda vaqt oraliqlarini daqiqalarda o‘lchash. Daqiqalarda ifodalangan vaqt oraliqlarini qo‘shish va ayirish bilan bog‘liq matnli masalalarni (masalan, sonlar o‘qida tasvirlash orqali) yechish, suyuqliklar hajmlarini va jismlarning vaznini gramm (g), kilogramm (kg) va litr (l) standart birliklaridan foydalanib o‘lchash va hisoblash. Bir xil birliklarda berilgan og‘irliklar yoki hajmlar bilan bog‘liq bir bosqichli matnli masalalarni yechish uchun qo‘shish, ayirish, ko‘paytirish yoki bo‘lish, masalani ifodalash uchun (o‘lchash shkalasi bo‘lgan menzurka kabi) rasmlardan foydalanish orqali yuz o‘lchovi birliklari (kvadrat detsimetr - kv. dm yoki dm^2, kv. m yoki m^2) va ular orasidagi munosabatlarni tasavvur qilish.