Loyiha titul «Tasdiqlayman»

2. GO‘
GEOMETRIYA VA O‘LCHASHLAR
2. GO‘.1	Yassi va fazoviy geometrik shakllarga doir asosiy tushunchalar, ularning asosiy xossalarini amaliy mazmundagi masalalar yechishda qo‘llay olish, chizma, model va real dunyodagi geometrik shakllarni taniy olish; Berilgan burchaklar soni yoki berilgan teng tomonlar soni kabi maxsus xossalarga ega shakllarni aniqlash va chizish. Uchburchaklar, to‘rtburchaklar, beshburchaklar, oltiburchaklar va kublarni aniqlash. To‘g‘ri to‘rtburchakni bir xil o‘lchamdagi kvadratlar qatoriga va ustunlariga ajratish va ularning jami sonini sanab chiqish. Doiralarni va to‘g‘ri to‘rtburchaklarni ikkita, uchta va to‘rtta o‘zaro teng qismlarga ajratish. Qismlarni yarim, uchdan bir, to‘rtdan bir va boshqa so‘zlardan foydalanib nomlash. Teng qismlarga ajraladigan shakllar bir xil shaklga ega bo‘lishi shart emasligini tushunish. to‘g‘ri to‘rtburchak (kvadrat) ning yuzini hisoblash, atrof–borliqdagi sodda ob’yektlarni geometrik shakllar modellari bilan bog‘lash, asosiy kattaliklarini o‘lchash; aylana va doiraning elementlari (markazi, radiusi, diametri)ni ayish, sirkuldan foydalanib ushbu shakllarni yasash.
2. GO‘.7	Santimetr va metr birliklaridan foydalanib, uzunliklarni o‘lchash. Standart uzunlik birligida uzunlik farqini ifodalash orqali bir buyumning ikkinchisidan qanchalik uzunligini aniqlash uchun o‘lchash. Oddiy va elektron soatlarga qarab, eng yaqin besh daqiqaga yaxlitlab, vaqtni aytish va yozish. Qog‘oz pul va tangalar ishtirokida matnli masalalarni yechish. Masalan: agar sizda 2 ta 500 so‘mlik va 3 ta 100 so‘mlik tanga pullar bo‘lsa, sizda necha so‘m bor?
2. GO‘.8	Chizg‘ich, o‘lchagich tayoqcha, o‘lchagich sterjen va o‘lchagich tasmalar kabi shartli o‘lchash asboblaridan foydalanib, buyum uzunligini o‘lchash. Turli uzunlikdagi shartli o‘lchash asboblaridan foydalanib, buyum uzunligini o‘lchash. Ikkala o‘lchash natijalarini tanlangan shartli o‘lchov birliklarning uzunligiga qanday bog‘liqligini aniqlash.