Loyiha O‘zbekiston respublikasi adliya vazirligi toshkent davlat yuridik universiteti

Tergovning keyingi bosqichida o‘tkaziladigan harakatlar 

 

Tergov  jarayonining  keyingi  bosqichi  dastlabki  tergov  va  tezkor-

qidiruv choralari natijasiga bog‘liq. So‘roqni jinoyat hodisasini ko‘rgan, 

eshitgan va muhim  ma’lumotlarni berishi mumkin bo‘lgan guvohlardan 

---

 

367 

boshlash  kerak.  Tezkor-qidiruv  choralari  yordamida  aniqlangan  gumon 

qilinuvchilar  ushlanib,  tegishli  muddatlarda  so‘roq  qilinishi  va  ularning 

ko‘rsatuvlari tekshirilishi lozim. 

Ko‘zdan  kechirish  natijasida  topilgan  ashyoviy  dalillar,  jinoyat 

qurollari, turli izlar yuzasidan kriminalistik ekspertizaning alohida turlari 

o‘tkaziladi.  Jumladan,  transport  vositasi  yordamida  sodir  qilingan 

jinoyatlar  bo‘yicha  izlari  trasologik,  yo‘l  harakat  qoidasini  qasddan 

buzish  va  yo‘lovchini  bosib  ketish  holatlari  avto-texnik  ekspertiza, 

ayrim singan va alohida bo‘laklar bo‘yicha butun bir predmet – qurolni 

aniqlashda  trasologik,  jinoiy  hodisasiga  tegishli  bo‘lgan  turli  hujjat 

matnlari bo‘yicha xatshunoslik tekshiruvlari o‘tkaziladi.

 

Jinoyat  sodir  bo‘lgan  joyda,  jabrlanuvchining  va  ishda  gumon 

qilinuvchining tanasi-kiyimida turli modda va mikromateriallar topilishi 

mumkin, xususan jinoyatchi poyabzalining tagcharmida hodisa joyidagi 

tuproq  va  turli  biologik  zarrachalar,  jabrlanuvchi  kiyimining  ustki 

qismida  jinoyatchining  egnidan  mikrozarrachalar  o‘tish  hollari 

amaliyotda  ko‘p  uchrab  turadi.  Bu  mikrozarrachalarni  tekshirish 

natijasida  material,  modda  va  mahsulotlarning  qaysi  guruhga 

mansubligi, ba’zida esa aynanligi aniqlanadi 

Tergov  jarayonida  olingan  xabarlar,  turli  ekspertiza  xulosalari,  tergov 

eksperimenti  natijalarida  yangi  holatlar  ma’lum  bo‘lishi  mumkin.  Bu 

vaziyatlar  va  holatlarni  hal  qilish  uchun  ba’zida  dafn  etilgan 

jabrlanuvchining  jasadini  ko‘milgan  joyidan  qayta  ochib  olish, 

eksgumatsiya  qilish  va  turli  ekspertiza  tekshiruvidan  qayta  o‘tkazish 

harakatlari ham amalga oshiriladi. Eksgumatsiya o‘tkazish uchun zarurat 

sud-tibbiyot  ekspertizasini  qayta  (takroriy)  o‘tkazish  va  noma’lum 

murdaning  shaxsini  aniqlash  uchun  ham  tug‘iladi.  Mazkur  tergov 

harakati  maxsus  qaror  va  prokuror  ruxsati  asosida,  dafn  etilganning 

yaqin qarindosh-urug‘larining rozi-noroziligidan qat’i nazar, o‘tkaziladi. 

Tergovning  bu  bosqichida  ayblanuvchini  so‘roq  qilish  zarur 

bo‘ladi.  So‘roq  o‘tkazish  uchun  ish  yuzasidan  yig‘ilgan  dalillar, 

guvohlarning ko‘rsatuvlari, ekspertiza xulosalari va boshqa ma’lumotlar 

yana  bir  bor  tahlil  etilib,  ular  o‘zaro  bir-birlari  bilan  bog‘liqmi,  orasida 

ziddiyat  vaziyatlar  mavjudligi  tekshirilib,  ayblanuvchini  so‘roq  qilish