Loyiha O‘zbekiston respublikasi adliya vazirligi toshkent davlat yuridik universiteti

Yodda saqlang: 
Davlat va jamoat mulkini talon-toroj qilish jinoyatlarini aniq 
belgilari quyidagilar bo‘lishi mumkin: 
•
tovar-material qimmatliklarining ortiq yoki oz chiqish fakti; 
•
hujjatlarni rasmiylashtirmasdan mulkni olib chiqish yoki olib 
kirish; 
•
hujjatda ko‘rsatilganidan ko‘p miqdordagi mulkni sotish; 
•
moddiy qimmatlikka ega bo‘lgan ayrim harakatlarda tovarning 
belgilanganidan ko‘pligi; 
•
tayyor mahsulotlarni, yarim fabrikatlarni, xomashyoni yashirin 
realizatsiya qilish fakti; 
•
-tovarlarni savdo korxonalarining yordamchi binolaridan sotib 
yuborish; 
•
mulkni sarf qilgandan ko‘p deb ko‘rsatish; 
•
ma’lum qimmatga ega bo‘lgan materiallarni qiymatini yo‘qotgan, 
deb olib ketish; 
•
pul vositasini va qimmatbaho materiallarni hisobdan chiqarish 
to‘g‘risidagi qalbaki hujjatlarni taqdim etish; 
•
moddiy qimmatliklar ishonib topshirib qo‘yilgan mansabdor 
shaxsning maoshiga to‘g‘ri kelmaydigan turmush tarzi; 
•
moddiy javobgar shaxslar mulkning saqlanishini hisob-kitob va 
nazorat qiladigan ma’muriyat vakillari va xizmatchilari bilan 
muntazam ichkilikbozlik qilishi. 

---

390 
 
 
 
 
 
 
 
 
 
 
 
 
 
 
Dastlabki materiallarni tahlil etish va jinoyat ishini qo‘zg‘atish 
Jinoyat ishini qo‘zg‘atish uchun ko‘p hollarda quyidagi holatlar 
asos bo‘lib xizmat qilishi mumkin: o‘tkazilgan taftish, inventarizatsiya 
va boshqa tekshiruv materiallari, shuningdek, tezkor-qidiruv yo‘li bilan 
to‘plangan materiallar, agar bu materiallarga ko‘ra korxona muassasa va 
tashkilotlarda tekshiruv natijasida rastrata yoki moddiy qimmatliklar 
kamomati aniqlangan bo‘lsa; 
Bulardan tashqari surishtiruvchi, tergovchi, prokuror yoki sud 
bevosita o‘zi aniqlagan jinoyat belgilari ham talon-toroj haqida jinoyat 
ishini qo‘zg‘atish uchun asos bo‘ladi. 
Tergovning qanchalik tez va samarali bo‘lishligi tergov 
organlariga talon-toroj jinoyatlarining belgilari mavjudligi to‘g‘risidagi 
faktlarni aniqlash taftish materiallarining qanchalik tez va o‘z vaqtida 
berilishiga bog‘liq. 
Taftish moliya-xo‘jalik organlari tomonidan belgilangan reja 
asosida yoki to‘satdan o‘tkaziladi va bu to‘g‘rida akt tuziladi. Aktda 
qanday korxonada talon-toroj faktlari topilganligi, kim tomonidan va 
qaerda aniqlanganligi to‘liq ko‘rsatilgan bo‘lishligi lozim. Akt besh 
kundan kechiktirilmasdan prokuratura yoki ichki ishlar organlariga 
berilishi kerak. 
Taftish materiallari asosida qo‘zg‘atilgan jinoyat ishi bo‘yicha 
amalga oshiriladigan dastlabki tergov harakatlari: