Loyiha matni 49901-(61999)

24-modda. Tadbirkorlik subyektlarining toifalari
Tadbirkorlik subyektlari xodimlarining oʻrtacha yillik soni va tovar (ish, xizmat)larni realizatsiya
qilish boʻyicha oʻrtacha yillik aylanma miqdoriga qarab quyidagi toifalarga boʻlinadi:
kichik tadbirkorlik subyektlari, shu jumladan mikrofirmalar;
oʻrta tadbirkorlik subyektlari;
yirik tadbirkorlik subyektlari.
Tadbirkorlik subyektlarini ushbu moddaning birinchi qismida koʻrsatilgan toifalarga ajratish
davlat tomonidan qoʻllab-quvvatlash va rasmiy statistika maʼlumotlarini shakllantirish maqsadida amalga
oshiriladi.
Davlat tomonidan qoʻllab-quvvatlash uchun tadbirkorlik subyektlari xodimlarning oʻrtacha yillik
soni va tovar (ish, xizmat)larni realizatsiya qilish boʻyicha oʻrtacha yillik aylanma miqdori mezonidan
foydalaniladi.
Rasmiy statistika maʼlumotlarini shakllantirish uchun tadbirkorlik subyektlari xodimlarning
oʻrtacha yillik soni mezonidan foydalaniladi.

---

project.gov.uz
06.06.2022
8
Tadbirkorlik subyektlarining xodimlari oʻrtacha yillik soni barcha xodimlarni, shu jumladan
ushbu subyektning filiallari, vakolatxonalari va boshqa alohida boʻlinmalari xodimlarini, shuningdek
yakka tartibdagi tadbirkorning oʻzi hisobga olingan holda aniqlanadi.
Tovar (ish, xizmat)larni realizatsiya qilish boʻyicha oʻrtacha yillik aylanma miqdori Oʻzbekiston
Respublikasi soliq qonunchiligiga muvofiq aniqlanadi.
25-modda. Kichik tadbirkorlik subyektlari
Kichik tadbirkorlik subyektlari toifalariga:
1) yakka tartibdagi tadbirkorlar;
2) mikrofirmalar – oʻrtacha yillik xodimlar soni yigirma nafargacha boʻlgan va tovar (ish,
xizmat)larni realizatsiya qilish boʻyicha oʻrtacha yillik aylanma miqdori bazaviy hisoblash miqdorining
oʻn sakkiz ming baravarigacha boʻlgan tadbirkorlik subyektlari.
3) kichik korxonalar – oʻrtacha yillik xodimlar soni yuz nafargacha boʻlgan va tovar (ish,
xizmat)larni realizatsiya qilish boʻyicha oʻrtacha yillik aylanma miqdori bazaviy hisoblash miqdorining
toʻqson ming baravarigacha boʻlgan tadbirkorlik subyektlari kiradi.
Davlat tomonidan qoʻllab-quvvatlashda quyidagilarni amalga oshiruvchi tadbirkorlik subyektlari
kichik tadbirkorlik subyektlari deb tan olinmaydi:
giyohvandlik vositalari, psixotrop moddalar va prekursorlarning hamda ularning analoglarini
realizatsiya qilish bilan bogʻliq faoliyat;
aksiz soligʻi toʻlanadigan mahsulotni ishlab chiqarish va (yoki) ulgurji savdosi bilan bogʻliq
faoliyat;
paxta xom-ashyosi qabul qilish punktlarida paxta xom-ashyosini saqlash faoliyati;
lotoreyalar tashkil etish;
radioaktiv, portlovchi, zaharli moddalar va materiallar aylanmasi bilan bogʻliq faoliyat;
kredit byurolari faoliyati;
fuqarolik va xizmat qurollari va oʻq-dorilarning muomalasi bilan bogʻliq faoliyat.