Loyiha matni 49901-(61999)

project.gov.uz
06.06.2022
92
hisobidan qoplanadi.
2-§. Tekshiruvlarni muvofiqlashtirish
199-modda. Vakolatli organ
Vakolatli organ oʻz vakolatlari doirasida:
nazorat qiluvchi organlarning tadbirkorlik subyektlari faoliyatida tekshiruvlar oʻtkazish
toʻgʻrisidagi buyurtmalarini koʻrib chiqadi va ularning asosliligini oʻrganadi;
tadbirkorlik subyektlari faoliyatida tekshiruvlar oʻtkazishga rozilik berish yoki rad etish,
shuningdek, ularning muddatlarini uzaytirish yoki koʻchirish toʻgʻrisida qarorlar qabul qiladi;
nazorat qiluvchi organlar tomonidan tadbirkorlik subyektlari faoliyatida tekshiruvlar oʻtkazish
sohasidagi qonunchilik talablariga rioya etilishini nazorat qiladi;
tadbirkorlik subyektlari faoliyatida tekshiruvlar oʻtkazish sohasidagi qonunchilik hujjatlarini
buzganligi uchun nazorat qiluvchi organlarning aybdor mansabdor shaxslarini javobgarlikka tortish
boʻyicha choralar koʻradi;
tadbirkorlik subyektlari faoliyati ustidan davlat nazoratini amalga oshirish sohasida yagona hisob
va hisobot yuritilishini taʼminlaydi;
davlat nazorati va huquqbuzarliklarning profilaktikasi sohasidagi nazorat qiluvchi organlar
faoliyatini baholaydi;
tadbirkorlik subyektlari faoliyati ustidan davlat nazoratini amalga oshirish sohasida nazorat
qiluvchi organlarning yagona huquqni qoʻllash amaliyoti yuritilishini taʼminlaydi;
nazorat qiluvchi organlar va tadbirkorlik subyektlariga ushbu Kodeksda belgilangan normalarni
qoʻllanilishi yuzasidan maslahat yordamini koʻrsatadi;
davlat nazorati sohasidagi normativ-huquqiy bazani ishlab chiqish va takomillashtirishda ishtirok
etadi.
Vakolatli organning tadbirkorlik subyektlari faoliyatida oʻtkaziladigan tekshiruvlarga oid
qarorlari nazorat qiluvchi organlar uchun majburiy hisoblanadi.
Tadbirkorlik subyektlari faoliyatini tekshiruviga bevosita yoki bilvosita taʼsir qiladigan
normativ-huquqiy hujjatlarning loyihalari majburiy ravishda vakolatli organ bilan kelishilishi zarur.