Loyiha matni 49901-(61999)

19-modda. Tadbirkorlikning ijtimoiy masʼuliyatini ragʻbatlantirish

---

project.gov.uz
06.06.2022
6
Tadbirkorlik subyektlari tomonidan oʻz faoliyatida ijtimoiy masʼuliyati davlat tomonidan
qoʻllab-quvvatlanadi va ragʻbatlantiriladi.
20-modda. Davlatning tadbirkorlik faoliyatida cheklangan tarzda ishtiroki
Davlat ushbu Kodeks va qonunchilik hujjatlarida belgilangan cheklovlar doirasida tadbirkorlik
faoliyatida ishtirok etadi.
Davlat tadbirkorlik va raqobatni rivojlantirish maqsadida tadbirkorlik sohasidagi davlat unitar
korxonalarini va ustav fondida (ustav kapitalida) davlat ulushi mavjud boʻlgan yuridik shaxslarni tashkil
etishni cheklash orqali tadbirkorlik sohasida davlat ulushini kamaytirishga oid choralar koʻradi.
21-modda. Tadbirkorlik subyektlari huquqlarining ustuvorligi
Tadbirkorlik subyektlarining davlat organlari, shu jumladan huquqni muhofaza qiluvchi va
nazorat qiluvchi organlar bilan oʻzaro munosabatlarida tadbirkorlik subyektlari huquqlarining ustuvorligi
prinsipi amal qilib, unga muvofiq qonunchilikda tadbirkorlikni amalga oshirish bilan bogʻliq holda
yuzaga keladigan barcha bartaraf etib boʻlmaydigan ziddiyatlar va noaniqliklar tadbirkorlik
subyektlarining foydasiga talqin etiladi.
22-modda. Tadbirkorlik subyektlari faoliyatini davlat tomonidan nazorat qilishning asosiy
prinsiplari
Nazorat qiluvchi organlarning tekshiruvchi hisoblangan mansabdor shaxslari kasbiy mahoratga
ega boʻlishi va malakalangan boʻlishi talab etiladi.
Nazorat qiluvchi organlar mansabdor shaxslari oʻz vazifalarini bajarmaganlik yoki lozim
darajada bajarmaganliklari va ular tomonidan mansab vakolatlarini suiisteʼmol qilganliklari uchun
javobgar hisoblanadi.
Tadbirkorlik subyekti faoliyatini bir nechta nazorat qiluvchi organlarning bir xil masalalar
boʻyicha tekshiruvlariga yoʻl qoʻyilmaydi.
Tadbirkorlik subyektlarga nisbatan kamsitishga yoʻl qoʻyilmaydi.
Davlat tomonidan nazorat qilish tizimining hisobdorligi va shaffofligi taʼminlanadi.