Loyiha matni 49901-(61999)

project.gov.uz
06.06.2022
104
Agar tekshiruv natijalari boʻyicha mulohaza va (yoki) eʼtirozlar mavjud boʻlsa, tadbirkorlik
subyekti rahbari yoki uning oʻrnini bosuvchi shaxs ularni yozma shaklda bayon qiladi. Mulohaza va
(yoki) eʼtirozlar tekshiruv bayonnomasiga ilova qilinadi va bu haqda tegishli yozuv kiritiladi.
Tekshiruvni oʻtkazish uchun asos boʻlgan, ushbu Kodeksning 206-moddasida koʻrsatilgan
hujjatlarning nusxalari, tekshiruv doirasida sodir etilgan harakatlar toʻgʻrisidagi bayonnomalar,
inventarizatsiya dalolatnomalari, ekspertlarning xulosasi, tekshiruv oʻtkazish paytida olingan materiallar,
shuningdek tekshiruv doirasida harakatlar sodir etilganligini tasdiqlovchi boshqa hujjatlar tekshiruv
dalolatnomasiga qoʻshib qoʻyilishi lozim.
Davlat, tijorat sirlari va qonun bilan qoʻriqlanadigan boshqa sirlarni tashkil etuvchi maʼlumotlari
mavjud tekshiruv natijalari, tegishli qonunchilik hujjatlarida nazarda tutilgan talablarga rioya qilgan
holda rasmiylashtiriladi.
Tekshiruv tayinlash toʻgʻrisidagi qarorda koʻrsatilgan tekshiruvni yakunlash muddatidan
kechiktirmasdan tekshiruv dalolatnomasi tadbirkorlik subyektiga topshirilgan kun tekshiruv tugallangan
kun hisoblanadi. Shuningdek, tekshiruv dalolatnomasi elektron shaklda rasmiylashtirganda ushbu
dalolatnomani tuzish sanasi tekshiruv tugallangan kun hisoblanadi. Elektron shaklda rasmiylashtirgan
tekshiruv dalolatnomasi qogʻozga chop etilgan nusxasi tekshiruv tugagan kundan boshlab besh ish
kunidan kechiktirmay tadbirkorlik subyektiga yuboriladi. Tadbirkorlik subyekti tekshiruv
dalolatnomasini olishdan bosh tortgan taqdirda nazorat qiluvchi organning mansabdor shaxsi bu haqda
tekshiruv dalolatnomasiga tegishli yozuv kiritadi va shu paytdan eʼtiboran tekshiruv tugallangan
hisoblanadi. Mazkur holda tekshiruv dalolatnomasining bir nusxasi tadbirkorlik subyektiga bir ish
kunidan kechiktirmay pochta orqali buyurtma xat bilan yuboriladi.