Loyiha matni 10604-(10604)

project.gov.uz
20.12.2020
36
аҳолининг санитария–эпидемиологик осойишталиги сохасида бошқарув
тизимини такомиллаштириш;
маъмурий худудларнинг санитария–эпидемиология ҳолати ва
радиациявий хавфсизлиги мониторинги тизимини такомиллаштириш;
юридик ва жисмоний шахсларнинг хабардорлигини ошириш тизимини
ташкил этиш.
Аҳолининг санитария–эпидемиологик осойишталигини бошқариш
республика фуқаросининг ҳаёти ва соғлиғини биринчи даражали
сифатида тан оладиган, унга нисбатан бутун жамиятнинг бошқа
қадриятлари ва фойдаларини кўзлайдиган давлат бошқаруви сифатида
амалга оширилади.
Аҳолининг санитария–эпидемиологик осойишталигини сохасидаги
давлат бошқаруви кенг қамровли, кўп қиррали хусусиятга эга бўлган
жуда мураккаб тизимдир. Ушбу тизим кўп компонентли муносабатларга,
намоён бўлишларга, бошқарув ёндашувлари ва принципларига, шакллари
ва усулларига эга бўлган давлат субъектлари ва объектларининг ўз ичига
олади. Давлат бошқаруви субъектлари ва объектлари ўртасида маълум
мантиқий боғлиқлик, ўзаро таъсир ва маълум даражада ўзаро изчилликни
кузатиш мумкин. Бу каби ҳолатлар аҳолининг санитария–эпидемиологик
осойишталиги сохасидаги давлат бошқарувининг мураккаблигини
тавсифлайди ва шу билан бирга тизимда яхлитликни таъминлайди.
Шу билан бирга, битта давлат органида давлат санитария–эпидемиологик
осойишталигини таъминлашда бошқариш функцияларини бир вақтнинг
ўзида ушбу сохада рухсат берувчи ва назорат қилувчи функцияларини
амалга ошириш, Ўзбекистон Республикаси санитария–эпидемиология
хизматининг самарали ишлашига тўсқинлик қиладиган тизимли
муаммоларнинг пайдо бўлишига олиб келди.
Аҳолининг санитария–эпидемиологик осойишталигини аниқлаш, ушбу
сохани бошқариш бутун жамиятнинг мураккаб вазифасидир, уни амалга
оширишда кўплаб давлат ва хўжалик бошқаруви тузилмалари иштирок
этади.